Video
Read full review
2024-06-18
366 views
相關食物：薑蔥粉絲蝦煲，金錢雞拼叉燒，古法釀豆腐煲蓮香居已經喺2024年改名為六安居，記憶中，未改名前都無食過，所以比較唔到改名前後是否味道完全一樣六安居位於上環站同西營盤站中間，出站後要行幾分鐘，當日夜晚7點嚟到六安居，酒樓空間算大，但枱與枱之間相隔唔寬，好容易聽到隔離枱講咩，不過整體氣氛同裝飾都好懷舊嗰晚叫咗3道菜，印象比較深刻嘅係金錢雞拼叉燒，因為之前無食過金錢雞，出面亦好少有呢道菜，原來係肥瘦豬肉加雞肝，非常特別，但個人唔好雞肝，所以試一次就算而叉燒唔係半肥瘦，9成係肥肉，但味道香甜，個汁整得唔錯另外兩款分別係薑蔥粉絲蝦煲同古法釀豆腐煲，蝦煲略嫌份量太少，但味道不錯，蝦正常，粉絲算夠乾，一上菜就聞到好香薑蔥味相反，古法釀豆腐煲個味道就唔屬於好特別，正常發揮，但份量好足，豆腐有好多件，每件都唔細，豆腐下面仲有白菜仔食完飯仲有送中式糖水，成餐飯感覺都唔錯，唔係在於食物質素好與否，而係喺懷舊酒樓食飯嘅感覺的確有別於一般酒樓，久唔久一次都幾好
蓮香居已經喺2024年改名為六安居，記憶中，未改名前都無食過，所以比較唔到改名前後是否味道完全一樣
六安居位於上環站同西營盤站中間，出站後要行幾分鐘，當日夜晚7點嚟到六安居，酒樓空間算大，但枱與枱之間相隔唔寬，好容易聽到隔離枱講咩，不過整體氣氛同裝飾都好懷舊
嗰晚叫咗3道菜，印象比較深刻嘅係金錢雞拼叉燒，因為之前無食過金錢雞，出面亦好少有呢道菜，原來係肥瘦豬肉加雞肝，非常特別，但個人唔好雞肝，所以試一次就算而叉燒唔係半肥瘦，9成係肥肉，但味道香甜，個汁整得唔錯
另外兩款分別係薑蔥粉絲蝦煲同古法釀豆腐煲，蝦煲略嫌份量太少，但味道不錯，蝦正常，粉絲算夠乾，一上菜就聞到好香薑蔥味
相反，古法釀豆腐煲個味道就唔屬於好特別，正常發揮，但份量好足，豆腐有好多件，每件都唔細，豆腐下面仲有白菜仔
食完飯仲有送中式糖水，成餐飯感覺都唔錯，唔係在於食物質素好與否，而係喺懷舊酒樓食飯嘅感覺的確有別於一般酒樓，久唔久一次都幾好
金錢雞拼叉燒
$138
13 views
0 likes
0 comments
薑蔥粉絲蝦煲
$148
25 views
0 likes
0 comments
古法釀豆腐煲
$118
9 views
0 likes
0 comments
Other Info. :
唯一覺得呢度夥計比較心急，一坐低就會不停喺你隔離等你落單，就算話咗仲睇緊都無用，好快又會有人過嚟問你要咩，同埋俾意見你⋯⋯
(The above review is the personal opinion of a user which does not represent OpenRice's point of view.)
Post
