山野日本料理 (Closed)

朋友話好想試下神級放題, 8:30PM後仲要勁抵, 第二位$114, 平均$200都唔使。餐廳坐位濶落舒適，第一個感覺不錯。食放題刺身係必點之選, 甜蝦好吃不在講，赤蝦的蝦鮮味突出，帶子雖軟又夾著點點海水味，吞拿魚入口滑滑口感，三文魚入口甘香。 如果鐘意食刺身，那一定可以食到夠本。海膽手捲係我心水推介， 海膽鮮甜 非常新鮮, 至於其他壽司都唔錯。熱食方面當然要試下牛肉粒配合蒜鹽 非常惹味。串燒都好好食！炸物方面：點了紫薯球和 芝士年糕, 好好吃。即時吃口感極脆，紫薯球更是外脆內軟又不會太甜。飲品及甜品方面就自助形式， 啤酒汽水應有盡有。飲品有apple cider，好好飲!而甜品嘅選擇都算多, 甜品是自家制，也有雪糕及韓國著名的雪條， 梗有一款啱你心水。可能多人食比較忙出菜慢咗啲，有少少漏單但會主動幫你換碟同加單,服務 值得稱讚。餐廳整體感覺不錯，餐廳環境寬敞，地方乾淨。食物質素有驚喜，值得支持。