度小月 (海運大廈) (Closed)

我和友人放工本身諗住求其喺尖沙咀搵食，點知我地行左入海港城😂行左一陣都未搵到，好多都好多人排隊，就行埋去LCX，之後見到度小月，又見唔係太多人排，就拎左張飛，20個number 最後都等左30分鐘。入到去已經係晚上9點，店員已經同我地講9點半last order。點完野食，某啲菜式嘅上菜速度係快。但睇得出佢係一次過出哂同一道菜嘅所有order，如果咁岩你落單嘅菜式岩岩出完，又未收到你張單，咁你就有排等。極速上左嘅祖傳肉燥人飯同埋擔仔麵，價錢平，但份量真係幾細，細食嘅女仔都未必夠飽。蚵仔酥 (好有炸花生味，但味道淡左啲)綜合丸湯 (普普通通)灸烤胡椒肉(好肥，減肥人士注意! 呢一味係要等得耐啲)整體份量都好少，大食嘅人要叫多啲先岩岩好。因為度小月係我對台灣嘅初認識，有一種情意結，所以香港一試未免有點失望。