全日雞實驗所 (通菜街)

Open Now

Now Closed

睇到某youtube頻道特登慕名而來，大約早上11點45分到埗，已經開始要等位先入到座。門口派位後自助落單形式，店頭店員都係講齊要講嘅指定語句，環境陳設都係行簡潔風，俾到人乾淨企理感覺。小店經營，繁忙時間坐得逼狹係可以體諒同理解。溫泉雞係本店招牌重心，瑤柱肉餅同樣吸睛，order咗份1號餐+$13肉餅，務求一網試盡。溫泉雞皮爽肉嫰，可見研發同執行功力能貫徹始終，唯獨雞味欠缺所謂肉香，但用價錢嚟睇已經收貨。油飯、味附青瓜正常味道，號稱冇味精嘅湯確實係冇味精，調味偏向清淡。瑤柱肉餅調味出色，唯肥肉偏多，愛健康人士未必喜歡。柚子蜜係新品推介，味道正常。總括而言，此店定位明確，性價比高，之後喺附近行開會再嚟試其他配搭。