Cafe Paradise (Closed)

今日全女班去旺角教協行街街，濕平完當然要搵間cafe hea下醫下肚。上網見呢間小店離教協吾遠，而且有我地鐘意食既豬手，所以決定黎呢度一試。跟餐包沙律、餐湯、餐飲、主食同甜品，好豐富丫。同行fd好鐘意呢個紅菜頭忌廉湯，讚味道特別，無一般忌廉湯咁“流”。香脆豬手絕對係我地既賣飛佛，外皮香脆吾油，肉汁結實吾鞋口。比起德國咸豬手，呢隻豬手無咁咸，怕食太咸既人岩哂。外皮微脆，肉質夠嫩，好易切。侍應話炆左成日先攞去焗，心機野，怪吾知咁好味啦 。豬手底下仲有人人都鐘意既炸薯角，新鮮炸既，點少少燒汁，正。黑松露意粉都幾好味，菇同黑松露份量都夠足料，意粉爽得黎又掛到d汁，吾錯。兩三個人分享都無問題。最後黎埋個跟餐甜品 - 朱古力雪糕。朱古力味非常濃，同超市買既朱古力雪糕吾同，呢個奶味吾重，甜味亦吾重，食完成球都吾滯，飯後甜品岩哂。侍應話menu上既主食都可以加錢變成Set dinner，選擇多左，帶揀飲擇食既fd黎都吾怕。環境幾warm，小敍gathering岩哂。