Video
Read full review
2018-01-21
1471 views
來到一月中旬，仲有不夠一個月，很快就到年尾收爐飯或家人團年飯既時候，今晚先同朋友們覓食盆菜，呢間要介紹俾公司或帶家人來食，有矜貴鮑魚盆菜，仲有超巨形甜品，足足18吋既西米焗布甸，咁有氣勢，真係未食先興奮啦。足料煲老火湯 $128，份量夠6人享用，材料同湯水都足夠，而且價錢吸引。先點個老火湯潤一下，海底椰煲雞，仲有雞腳同豬肉等材料，仲幫我地分好湯，湯料另上。雞腳煲得軟綿，骨膠原都跑到湯水中。保持溫熱飲得好舒服，金黃色湯水上看似好多雞油，但入口不膩，比一般雞湯更濃郁，用海底椰煲多份清香甜潤。金尊鮑魚盆菜 $998（6位用），另外仲有（12位用）的份量，價錢 $1888。主角出場，有貴價的鮑魚令盆菜升級，當然有燒肉、雞、大蝦、髮菜、蠔鼓、貝乾、冬菇、鴨掌，還有中層的鯪魚球、豬手、枝竹、豬皮，底層有吸味的生菜、蘿蔔、芋頭、蓮藕等等，材料齊全又多，食完都飽到上頸。燒肉切得工整美觀，要讚一下燒肉層皮仲超脆口，肥瘦相間，彈口得來有咬感，不會太咸也不膩。貝乾完整一粒粒，要浸係炆汁滾熱食最正。冬菇用貴價的大冬菇，肥大肉厚好有口感。大蝦經炸過，蝦殻都炸透變得脆口，蝦肉非常肥厚爽彈，食完一定笑「蝦」「蝦」。
足料煲老火湯
$128
14 views
0 likes
0 comments
先點個老火湯潤一下，海底椰煲雞，仲有雞腳同豬肉等材料，仲幫我地分好湯，湯料另上。雞腳煲得軟綿，骨膠原都跑到湯水中。
保持溫熱飲得好舒服，金黃色湯水上看似好多雞油，但入口不膩，比一般雞湯更濃郁，用海底椰煲多份清香甜潤。
金尊鮑魚盆菜（6位）
$998
24 views
0 likes
0 comments
主角出場，有貴價的鮑魚令盆菜升級，當然有燒肉、雞、大蝦、髮菜、蠔鼓、貝乾、冬菇、鴨掌，還有中層的鯪魚球、豬手、枝竹、豬皮，底層有吸味的生菜、蘿蔔、芋頭、蓮藕等等，材料齊全又多，食完都飽到上頸。
燒肉切得工整美觀，要讚一下燒肉層皮仲超脆口，肥瘦相間，彈口得來有咬感，不會太咸也不膩。貝乾完整一粒粒，要浸係炆汁滾熱食最正。冬菇用貴價的大冬菇，肥大肉厚好有口感。
大蝦經炸過，蝦殻都炸透變得脆口，蝦肉非常肥厚爽彈，食完一定笑「蝦」「蝦」。雞應該是浸熟，食落肉質特別嫩滑，而雞皮又薄又爽滑，皮下脂肪不算多，可以放心啖啖肉咁食。
主角『鮑魚』寓意富貴，每人一隻，炆煮得入味又柔軟，微彈易咬，老人家都食到，沾下炆汁同食，味道更香濃。
發財好市的代表「蠔鼓」，細時覺得好乾硬好dry，但原來係我未食過好野，煮得好就好似金蠔一樣，質感扎實得來較軟身，不過蠔鼓的味道是更濃縮蠔味，更甘香。呢度既蠔鼓就既味濃又飽滿。
橫財就手的豬手有豐富骨膠原，易離骨好易食，豬皮彈滑，筋位也軟腍。
鯪魚球夠大粒，微微彈，魚味特別重，不過點都有少少腥。底層的吸味配料，完全吸盡炆汁的味道，生菜「生財」係個底滾咁耐都冇變色，仲係翠綠色。
蓮藕是爽脆質感，正好合我口味，個人不太喜歡粉綿感的蓮藕。
講到最吸味，蘿蔔真係No. 1，一來當做季節，特別甜又多汁，二來的確吸到最濃汁料味。
臘味煲仔飯
$98
9 views
0 likes
0 comments
臘味有齊 臘腸、潤腸及臘肉，配埋菜芯平衡下油膩感。
先食臘腸，油潤且肥瘦平均，咸甜度一半，味道不錯，只係個人喜歡偏甜的臘腸。反而勁鍾意呢度潤腸，較軟身又不太乾，內臟味道溫和易接受，也夠甘香。
臘肉不會過乾，用五層肉都不會好膩，越咬越有出甘香味，配米飯一流。
焗西米布甸（18吋）
$488
9 views
0 likes
0 comments
因為想食，係要提前預訂。
西米焗布甸 $488(18吋)，睇下茶杯同西米焗布甸幾大對比，可想而知有幾巨形，我諗小朋友見到仲開心過我。另外，也有（例牌4-6位份量）$198。
兩個份量都是必須提前預訂。
面層焗得超級香，有陣陣香甜味飄過，大家都忍唔住影相厄like，唔捨得分來食。焗的甜品有好處，就係我地都影左一陣，分來食時，仲係熱辣辣，保持溫度好好。
西米好多，不太腍太爛，剛好保持微彈的圓粒狀，好香好creamy，甜度不高。布甸中間有蓮蓉餡，喜歡較甜既朋友可以添多點蓮蓉會更香甜，我較喜歡本身西米焗布甸的甜度剛好又不膩，淨食已經好好味，我仲食左兩碗。
Post
