Video
Read full review
2009-09-03
66 views
呢日晏晝同我個friend去左深水灣~游左陣水之後同埋佢去食飯,不過我九龍人,對港島區真係一d都唔熟~友人帶左我去利源東街行~有衫買,仲有套好靚GE泳衣呀!!!!!不過BB SIZE,我點著呢...好在~我都有收穫~~行到餓,去左行人天橋下面有間連菜欄先生都推薦GE盛記大排檔...呢度未行過黎...細個次次去表哥屋企都係行天橋...都係第一次黎呢度第一次見到一個又唔濃妝又笑得好開心GE生力啤妹cat,我地都開心到飲左3支生力~主要都係食野送啤酒~飯都係1碗SHARE食2個女仔食左6個送!!!仲要係清碟!!!椒鹽蝦好惹味,因佢落左淮鹽...就咁啜蝦殼好咸...送啤酒一流...但而家諗返其實我都好有興趣想食茄汁蝦...時菜珍肝...呀姐話通菜韮菜,我梗係以為叫我揀咩菜啦...點知諗諗下...2樣菜其實咪同一樣野??呀姐你玩野.....不過好好食...珍肝係雞潤佢話...但係佢炒左...我地食落好明顯係雞腎...好爽喎...豉椒炒蜆一行過個檔口已經聞到勁正炒蜆味,當初我地諗住食斜路麵檔搵緊路咁巧合行過,最終我地都係比呢陣炒蜆味吸引返去坐低食野蒜茸粉絲蒸扇貝--每人2隻,好大隻...蒸得剛好,
之後同埋佢去食飯,不過我九龍人,對港島區真係一d都唔熟~
友人帶左我去利源東街行~有衫買,仲有套好靚GE泳衣呀!!!!!不過BB SIZE,我點著呢...
好在~我都有收穫~~
行到餓,去左行人天橋下面有間連菜欄先生都推薦GE盛記大排檔...
呢度未行過黎...細個次次去表哥屋企都係行天橋...都係第一次黎呢度
第一次見到一個又唔濃妝又笑得好開心GE生力啤妹cat,我地都開心到飲左3支生力~
主要都係食野送啤酒~飯都係1碗SHARE食
2個女仔食左6個送!!!仲要係清碟!!!
椒鹽蝦好惹味,因佢落左淮鹽...就咁啜蝦殼好咸...送啤酒一流...但而家諗返其實我都好有興趣想食茄汁蝦...
時菜珍肝...呀姐話通菜韮菜,我梗係以為叫我揀咩菜啦...點知諗諗下...2樣菜其實咪同一樣野??呀姐你玩野.....不過好好食...珍肝係雞潤佢話...但係佢炒左...我地食落好明顯係雞腎...好爽喎...
豉椒炒蜆一行過個檔口已經聞到勁正炒蜆味,當初我地諗住食斜路麵檔搵緊路咁巧合行過,最終我地都係比呢陣炒蜆味吸引返去坐低食野
蒜茸粉絲蒸扇貝--每人2隻,好大隻...蒸得剛好,仲係好滑...蒜茸香到不能用筆墨去形容,炸蒜茸鋪扇貝面再蒸...入口唔會蓋過帶子鮮甜...但蒜茸香O係入口5秒之後先湧出黎,再加埋唔會擺得過多同埋有心機處理過GE粉絲...PERFECT MATCH!!!!出面有D粉絲就咁浸完就掉上扇貝面一齊蒸,有D仲要好明顯一舊粉絲,仲未散開...呢度d完全唔同!!
豉椒鵝腸~~完全冇諗過會同有膏GE鵝腸!!!!正呀!!!!!!普遍的豉椒鵝腸係用凍肉鋪賣的鵝腸,爽脆,易咬開,冇膏,冇腸壁果D肥油......但係呢度GE豉椒鵝腸...正正係用新鮮鵝腸去上碟!!!有咬口,會韌,腸壁有肥油,有膏...好好味...正
椒鹽鮮魷:::本來冇諗住食,無LALA見到師傅將一袋新鮮魷魚倒O係果籃食材度,好似好正咁喎...咁咪又叫黎送酒囉...我睇住師傅煮,外面的椒鹽鮮魷都係魷魚面有coating炸完再落鑊加椒鹽炒...盛記的椒鹽鮮魷是沒有炸面的....不過都係有落淮鹽炒...魷魚新鮮厚肉,連同惹味淮鹽猛火快炒...又是食啤酒飲鮮魷的好拍檔!!!
6個送,一個飯,3支大生力...埋單也只是269...我地足足坐左2個鐘有多
總括黎講好開心,食好野,飲啤酒,同朋友傾計,o係唐樓與唐樓之間的小巷大排檔,唔係見到d中文字我真係以為已經離開左香港...好有feel...
是晚dinner很是enjoy
我會帶朋友再去
其他食評話果度好熱...其實我都好怕熱,不過好在呢日早左少少到,冇乜人,坐正個大風扇對住ge位,坐足2個鐘都咁fresh!!
Post
