Video
Read full review
2017-08-10
1390 views
同好友約好左去食餐好嘢，大家都喜歡食Omakase，之後就打去訂位試下呢間。一入到店內就好似去左日本一樣咁舒服，有四個不同款選擇，其實每一款都係師傅將食料本身味道拼湊，混和出驚喜味道。我同朋友就揀左“葵“ !我地坐嘅位置就見到師傅準備緊整刺身而其他有的準備緊Wasabi全部都係用新鮮山葵即磨出唻，係用塊細細板上面磨唻用，真係好新鮮呀！三品前菜栗米高湯凍- 栗米煮熟左之後打成栗米茸，隔去栗米渣，再用忌廉等煮成濃湯，再冷凍成湯凍啫喱，所以栗米味濃郁，入口細滑配紫蘇花一齊食，增添一份清香。三文魚籽配蘿蔔溶- 三文魚籽，三文魚甘甜有鮮味配清甜蘿蔔蓉，感覺清而不油膩。毛蟹肉配蕃茄- 毛蟹肉非常鮮甜， 都係我們面前即刻生拆，配上蕃茄少少酸，最開胃不過。左口魚刺身半透明薄切左口魚，一入口就有清香嘅柚子皮味，原來師傅已經細心灑上柚子皮，只要加少少岩鹽，味道已經剛剛好。深海池魚師傅輕輕燒香左魚上面嘅油脂，散發出魚油香氣，上面配蒜抄過嘅鰹魚花醬油，食落輕輕煙薰味又唔會搶左池魚味道！拖羅刺身今晚呢個拖羅脂肪分佈平均，一層一層的脂肪，相當賞心，入口魚肉鮮甜，魚味濃。北海道馬糞海膽由北海道空運來港，鮮橙色賣相的
我同朋友就揀左“葵“ !
我地坐嘅位置就見到師傅準備緊整刺身而其他有的準備緊Wasabi全部都係用新鮮山葵即磨出唻，係用塊細細板上面磨唻用，真係好新鮮呀！
三品前菜
栗米高湯凍- 栗米煮熟左之後打成栗米茸，隔去栗米渣，再用忌廉等煮成濃湯，再冷凍成湯凍啫喱，所以栗米味濃郁，入口細滑配紫蘇花一齊食，增添一份清香。三文魚籽配蘿蔔溶- 三文魚籽，三文魚甘甜有鮮味配清甜蘿蔔蓉，感覺清而不油膩。毛蟹肉配蕃茄- 毛蟹肉非常鮮甜， 都係我們面前即刻生拆，配上蕃茄少少酸，最開胃不過。
左口魚刺身
半透明薄切左口魚，一入口就有清香嘅柚子皮味，原來師傅已經細心灑上柚子皮，只要加少少岩鹽，味道已經剛剛好。
深海池魚
師傅輕輕燒香左魚上面嘅油脂，散發出魚油香氣，上面配蒜抄過嘅鰹魚花醬油，食落輕輕煙薰味又唔會搶左池魚味道！
拖羅刺身
今晚呢個拖羅脂肪分佈平均，一層一層的脂肪，相當賞心，入口魚肉鮮甜，魚味濃。
北海道馬糞海膽
由北海道空運來港，鮮橙色賣相的海膽好吸引，仍有海水嘅鹹鮮味，入口鮮甜，這麼大份，真係吃得滿足又開心。
章魚漬
這個章魚肉非常鬆軟，好奇問一問師傅，他笑著說是小師傅們用蘿蔔將章魚拍打將肉打鬆軟，再煮熟之後，加上醬油及特製嘅柚子胡椒，柚子嘅清香與胡椒少少辛辣，非常美味。
北海道毛蟹
知道毛蟹喺唻自北海道，就知道蟹肉一定有返咁上水準，再加上蟹膏鮮甜，仲加左少少檸檬汁提鮮味。
塩燒鰻魚
野生白鰻唔同一般食法，只係用塩燒就已經夠，個鰻魚皮燒得外脆內軟，鰻魚味濃，完全不用醬汁已經滋味非常。
鮟肝
師傅遞上一個小皿給我，窩心地說送給我們吃原來係鮟肝（鮟鱇魚肝）配青瓜 ，味道均衡，配以青瓜減低少少膩感覺，增添一份清新。
帶子壽司
終於到壽司出場，就係帶子啦，口感爽口鮮美。
喜知次（Kinki)壽司
喜知次平時喺出面較少食到，因為屬於貴價海鮮，上面配左少少鼓油嘅蘿蔔溶，極之肥美。
北海道大助三文魚
大助三文魚可以比美吞拿魚，已經預先用自家醬油漬過，其肉質柔軟，口感柔滑脂香。
銀雪魚壽司
都係預先以醬油漬過，再加上上面嘅柚子胡椒，又係我非常喜歡嘅柚子胡椒，銀雪魚火炙嘅味道再加魚嘅油香！非常美味。
細池魚壽司
細池魚味濃郁，肉質甜美，配上醬油同蔥花，但我還是比軟喜歡深池多一點。
赤身壽司
即係吞拿魚背部， 加上醋飯，真是美味。
喜之次湯
喜之次有“海中紅寶石“的美譽，魚脂滲透於湯裡面，上等雪白色肉質香滑可口。
燒拖羅
拖羅燒得油香四溢，甘香鮮甜，入口即時溶化, 口感美妙。
三文魚籽軍艦
吞拿魚籽以自家製醬油漬過，魚籽粒粒分明，卜卜脆彈，魚香芳香。
玉子及穴子
穴子口感爽甜，配上燒醬油，更添美味，至於玉子都係自家製同出面食到唔同 ，口感似蛋糕，特別鬆軟，一個味濃，一個蛋香，非常配合。
食到呢個位真係都飽飽地！
終於最後一道甜品啦，原來係綠茶奶凍，我最初以為係全個都係綠茶奶凍，原來唔係喎！原來係綠茶汁唻，下面先係奶凍，個奶凍初初入口有一陣椰子香味，跟住就食到好香奶味，好濃郁，好有驚喜，仲有上面金箔點綴，作為今晚完美嘅終結 。
Post
