海街丼 (海光街) (Moved) New Location

近排工作壓力大，放工一定係搵朋友食好野減壓！今次揀左港島區，聽朋友推介，啲海鮮係日本直送，十分新鮮，試一試係咪真既先！海宝丼。聽店員講解，有一碗好似啫喱既係壽司醋果凍，可以跟自己喜好加落丼入面。而旁邊仲有支保溫瓶，入面係魚湯，食到最後加入丼變茶漬飯。聽完覺得好抵食因為食到三款唔同味道既丼首先唔加任何野，食丼既原味，不得了，好鮮味！有好多魚生但都食到唔同鮮味，好勵害。之後有加少少壽司醋，變左好似食壽司咁，鮮味無咁直接，有點小清新。最後就是加上魚湯，變左茶漬飯之後魚湯變左主要味道，濃濃既魚味加上熟左既海鮮，雙重鮮味又係另一風味。最重要係大家鍾意食邊款就食邊款，食多食少自己去選擇，唔同人都滿足到。海宝天婦羅丼。新鮮海鮮係佢地特色，但呢款天婦羅都唔差，炸粉唔厚，另外天婦羅汁係店家自製，味道同天婦羅好夾。不過個海宝丼實在出色，令個天婦羅丼比下去有點失色。