良辰吉時 (Closed)

良辰吉時並唔係第一間台灣過江龍，甚至連頭幾間都唔係，喺其他台灣手搖飲品店高調進駐香港嘅時候，良辰吉時仲未黎到，算係非常遲先黎到香港，宣傳亦唔見得多。印象中荃灣嘅良辰吉時係佢地喺香港嘅第一間店（唔sure講明先），比起各大台灣手搖飲品店選址銅鑼灣作為第一間店，良辰吉時選址明顯較輸蝕，當然後來都有喺銅鑼灣開店，但已經係最盛行嘅風潮過左嘅時候了。要有效咁將良辰吉時同其他台灣過江龍比較，當然要試下黑糖珍珠鮮奶。良辰吉時嘅黑糖珍珠鮮奶好明顯較其他台灣過江龍遜色，飲完完全冇驚艷嘅感覺，只係好普通好普通。亦有試其他招牌嘅飲品，但唔令人印象深刻，可說是不值一提。我唔會話佢係好差嘅，但就唔係值得推介嘅店。如果閣下只想試好飲嘅珍奶/黑糖珍珠鮮奶，而唔係好似我咁想試晒所有珍奶，咁呢間基本上可以skip了。