鱷魚泰國餐廳 (Closed)

朋友，在這幾年將屋企、時裝店相繼搬來九龍城這個小泰國，愛其找食、聚會都非常方便。朋友，多次約食飯，時間上大家都約唔啱，不是她忙，就是我忙，食餐飯都好困難。趁著，暑假剛開始，她又出完國、大仔又回港工作，係要出來見見面，畢竟，大家無見面，都有半年了，她大仔更加沒見面數年，所以，今次無論如何下，一定要出來食飯，見面。當然，相約在九龍城這個小泰國，食泰菜啦！餐廳佈置，都是以泰式格局，擺放了不少佛像。牛腩清湯河粉，好大碗，四人食都有一小碗，河粉好滑口，仲好香米粉味，湯底夠清甜，牛腩煮得夠香稔，仲帶帶小小騷味。鹹魚雞粒炒飯，好有鹹香味道，米飯粒粒分明，夠乾身，加上小小羗粒，一來可用來癖除鹹魚的醒味，二來可提升飯粒香味，又小小辣味，食慾大增。泰式燒雞，平時食泰菜，好少叫炸雞食，今次，就例外，叫左炸雞，好香濃的香茅味、調味得好入味，炸雞炸得皮脆肉嫩，雞皮還黏上了香茅草，雞味濃郁，有肉汁，點上甜酸醬汁，酸酸甜甜，口感一流。