相馬日式火鍋 觀塘

Open Now

Now Closed

蒸海鮮🌟非常出色🌟佢地既海鮮都係有唔同款式，全部都係新鮮既海鮮，好有保證，帶子經過蒸煮後，保留佐鮮甜既味道，爽嫩非常；海蝦肉質飽滿，爽口彈牙；鮑魚則鮮嫩味美，甘香有嚼勁，全部都原汁原味，令我完全陶醉其中！羊腩煲⭐️棒棒⭐️羊腩煲都真係無得彈，羊腩燉煮得十分入味，肉質醇香，有啲肥膏，入口即化，而煲中既配菜亦好豐富，蔬菜既甜味同羊肉既鮮香相互融合，令人胃口大開！任食火鍋✨滿足✨餐廳提供佐多種火鍋底料同配菜，客人可以根據自己既口味搭配，我地就簡佐辣味既底料，配以蔬菜、海鮮同肉類食材。經過煮熟後，食材既味道完全展現出來，火鍋湯底亦好美味，暖笠笠好舒服！任食炸物🔥熱愛🔥呢個當然都不容錯過，牛丸、芝士丸、蝦球、芝士春捲、蝦多士同午餐肉都係令人垂涎欲滴既炸物選擇，每一款食物都炸得金黃酥脆，內外口感非常出色，特別係芝士丸同芝士春捲，每一口都散發著濃郁既芝士香味，十分誘人！