Video
Read full review
2018-12-10
30 views
香港人一提起土耳其，一定會聯想到熱氣球，除此之外，仲會諗起土耳其咖啡，今次黎到一間土耳其餐廳食晚餐，靜靜地聽住土耳其歌，飲杯咖啡，融入土耳其文化。一埋位就叫左個二人餐，set 包左薯仔湯、沙律、薯條小食、蕃茄意粉，甜品，同埋兩杯飲品。先介紹一下薯仔湯、沙律同小食。薯仔湯啖啖都有薯仔蓉，每飲一啖都好有嚼勁。加上少量淡忌廉點綴，令成碗湯口感帶來香滑，味道更濃郁。沙律新鮮，份量多，唔同款式嘅沙律菜、蘿蔔都有，味道清新。小食係薄餅配薯條。薄餅味道咸咸甜甜，塊皮又薄又腍。薯條有茄汁配上，薯味重，好香脆，搭上青椒同紅、黃椒，呢款小食好有特色。食得越多越開胃，停唔到口。蕃茄意粉味道唔錯，一上碟已經聞到香噴噴。意粉用大量肉碎烹調，牛味十足，加上香草令意粉味道提升。一碟本來平平無奇嘅蕃茄意粉，經過用心製作，出來嘅效果可以如此不一樣，值得推薦。甜品係兩粒用朱古力醬畫上笑臉圖案嘅龍鬚糖。以白砂糖、麵粉、油三種材料製作出來嘅甜品，糖絲一般用上幾千條絲，拉絲之後捲成一團而成，食落有啲似棉花糖，軟綿綿。土耳其人製作個陣有時仲會加入椰絲、花生一齊食，甜甜地又易入口。餐飲嘅兩杯飲品選擇左土耳其咖啡同埋蘋果茶。咖啡味道
一埋位就叫左個二人餐，set 包左薯仔湯、沙律、薯條小食、蕃茄意粉，甜品，同埋兩杯飲品。
先介紹一下薯仔湯、沙律同小食。薯仔湯啖啖都有薯仔蓉，每飲一啖都好有嚼勁。加上少量淡忌廉點綴，令成碗湯口感帶來香滑，味道更濃郁。
沙律新鮮，份量多，唔同款式嘅沙律菜、蘿蔔都有，味道清新。小食係薄餅配薯條。薄餅味道咸咸甜甜，塊皮又薄又腍。薯條有茄汁配上，薯味重，好香脆，搭上青椒同紅、黃椒，呢款小食好有特色。食得越多越開胃，停唔到口。
蕃茄意粉味道唔錯，一上碟已經聞到香噴噴。意粉用大量肉碎烹調，牛味十足，加上香草令意粉味道提升。一碟本來平平無奇嘅蕃茄意粉，經過用心製作，出來嘅效果可以如此不一樣，值得推薦。
甜品係兩粒用朱古力醬畫上笑臉圖案嘅龍鬚糖。以白砂糖、麵粉、油三種材料製作出來嘅甜品，糖絲一般用上幾千條絲，拉絲之後捲成一團而成，食落有啲似棉花糖，軟綿綿。土耳其人製作個陣有時仲會加入椰絲、花生一齊食，甜甜地又易入口。
餐飲嘅兩杯飲品選擇左土耳其咖啡同埋蘋果茶。咖啡味道香濃，望住經理沖嘅過程，可以偷下師。首先用咖啡壺煮，將水、即磨咖啡粉用細火煮沸，然後問問客人需唔需要加糖，由於我地喜歡偏甜，於是決定加糖。煮沸之前一刻加入糖，將咖啡壺攤一攤涼幾秒，然後再第二次加熱，聽講會令咖啡味更濃郁，更香醇。唔怪得飲落好醇，一啲都唔澀口。
蘋果茶係土耳其手信之一。茶亦係土耳其生活不可或缺嘅一部分。無論去到邊，奉茶係土耳其都被視為好客嘅標誌，所以當地人一般都好重視茶文化。由於當地人以茶道吸引遊客，茶慢慢演變成唔同嘅口味，嘗試生產出紅茶、蘋果茶、石榴茶等唔同嘅味道。今次飲嘅呢杯蘋果茶味道清甜，每飲一口都聞到蘋果嘅香氣，啖啖清香，飲至最底完全冇渣，味道一流。
Post
