楚撚記大排檔 (日富里百好大廈)

Open Now

Now Closed

八點幾同朋友嚟咗呢間餐廳，多入到爆啊！間舖有兩邊門口，同另一間火鍋店共享店舖，仲以為係我自己去錯地方好多人好熱鬧，好友以前出街食飯嘅氛圍同感覺，好開心。氣氛同普通餐廳好唔一樣，多人d食飯都開心啲！餐廳嘅裝修好有心思，有好多霓虹燈招牌裝飾，模仿舊式大排檔同埋舊式中菜館嘅設計。好耐冇食過大排檔式嘅中菜，價錢比出面餐廳食到嘅中菜實惠好多，真係有大排檔嘅鑊氣，份量都好大！飛天通菜煲大排檔先食到嘅煲仔小菜，上枱咋渣聲臭味爆曬出嚟！份量一啲都唔欺場！對得住個價錢！少少辣嘅馬拉盞去煮香味出晒嚟拔絲咕嚕肉好靚嘅配飾，大嚿拔絲糖喺隔離做裝飾，然後咕嚕肉上面都有幾舊類似叮叮糖嘅糖塊係表面，除咗菠蘿之外仲有用上杏脯。咕嚕肉揸得好靚，醬汁酸甜味道平衡，啱晒用嚟打卡雖然味道都一百分！霸王雞（半隻）一睇就知道隻雞好正，皮滑肉嫩，好年輕嘅小雞。表面放上好多好多咋大蒜，食完之後成個口都係蒜味啊！淋上醬汁之後隻雞嘅味道更加鮮味，肉質好嫩滑！真係好抵食，呢一區有好多餐廳都係西餐，要食到大排檔嘅中菜都唔夠容易，有呢間餐廳就唔使專登過海食下排檔啦！