Video
Read full review
2024-10-22
100 views
前排聽過呢間漢堡包店好受附近大學學生歡迎，雖然地點唔算近地鐵站，但係都無阻我想試吓呢間漢堡嘅決心🤪舖頭門口有幾張枱可以堂食，不過見大部份人都係選擇外賣多，見到老闆同店員都好用心製作，就知道佢哋嘅出品一定掂！松露和牛漢堡雖然和牛漢堡比安格斯漢堡貴少少，但係既然有黃牛就一於試吓，漢堡扒比想像中厚好多，食得出係舖頭人手打而唔係來貨，口味方面揀咗黑松露，醬汁方面一啲都唔手軟，份量超多，夾住炒過嘅洋蔥，每一啖除咗啖啖肉之外，仲有洋蔥嘅甜味。冬蔭蝦堡蝦堡嘅厚度簡直驚為天人，想像唔到舖頭用咗幾多隻蝦整成，值得一提嘅係口味方面竟然有冬陰功味，喺出邊比較少見，口味上比較辣，如果鍾意食辣嘅不妨一試，整體嚟講配搭好夾！牛油果煙三文魚沙律沙律又多款口味，而牛油果同煙三文魚呢一款簡直係我嘅最愛，牛油果足足有半個，而煙三文魚亦都唔會過鹹，醬汁方面仲可以揀柚子醋又或者芝麻醬，同沙律菜都好夾。紫薯片配山葵牛油果醬呢款小食可以話係必叫，紫薯片一啲都唔油，仲食得出紫薯嘅甜味，而山葵牛油果醬好特別，濃濃嘅山葵味道充斥着鼻腔同口腔，又估唔到幾好食喎！薄荷青檸梳打、橙汁菠蘿檸檬梳打兩杯梳打都好值得推薦，前者用嘅薄荷葉份量好多，
松露和牛漢堡
雖然和牛漢堡比安格斯漢堡貴少少，但係既然有黃牛就一於試吓，漢堡扒比想像中厚好多，食得出係舖頭人手打而唔係來貨，口味方面揀咗黑松露，醬汁方面一啲都唔手軟，份量超多，夾住炒過嘅洋蔥，每一啖除咗啖啖肉之外，仲有洋蔥嘅甜味。
冬蔭蝦堡
蝦堡嘅厚度簡直驚為天人，想像唔到舖頭用咗幾多隻蝦整成，值得一提嘅係口味方面竟然有冬陰功味，喺出邊比較少見，口味上比較辣，如果鍾意食辣嘅不妨一試，整體嚟講配搭好夾！
牛油果煙三文魚沙律
沙律又多款口味，而牛油果同煙三文魚呢一款簡直係我嘅最愛，牛油果足足有半個，而煙三文魚亦都唔會過鹹，醬汁方面仲可以揀柚子醋又或者芝麻醬，同沙律菜都好夾。
紫薯片配山葵牛油果醬
呢款小食可以話係必叫，紫薯片一啲都唔油，仲食得出紫薯嘅甜味，而山葵牛油果醬好特別，濃濃嘅山葵味道充斥着鼻腔同口腔，又估唔到幾好食喎！
薄荷青檸梳打、橙汁菠蘿檸檬梳打
兩杯梳打都好值得推薦，前者用嘅薄荷葉份量好多，所以淡淡都係濃烈嘅薄荷香味，仲可以要求走甜，啱晒健康人士；而後者有啲雜果賓治嘅嘅味道，清新得來仲可以解膩。
Post
