大欖燒烤

Open Now

Now Closed

媽呀！！熱辣辣仲燒嘢食？聽到都驚 平時未到冬天都唔肯BBQ 今次經朋友介紹去咗郊區之餘 有得歎住冷氣 又望到出面嘅景色咁半戶外燒烤 週末去比較多人 但店員都仲好聲好氣同各枱客人解釋流水蝦嘅運作 每枱都有劃分一個專區 有一定數量嘅流水蝦 每次夾完要即刻放落冰水冰暈佢一陣先可以燒 如果唔係就好殘忍 佢又痛又係咁跳架喇手殘嘅我燒蝦都無難度 好大隻 好生猛 好爽口（罪惡感極重）🙈晚市佢每枱都有送一堆生蠔🦪鮑魚同蜆比我哋燒生蠔清甜 有海水嘅加持 無咩腥味 鮑魚一啲都唔靭仲有啲爽口添！同一般火鍋放題嗰啲同樣 佢當然都有啲丸、蔬菜、菇類、各種肉、汽水、雪糕等，但選擇不多。係勝在有新奇嘅流水蝦同進食、燒烤整個過程都唔限時。