南小館 (青衣城2) (Closed)

話說相約左屋企人響青衣食飯，不過青衣一向都冇乜好食，最後就選擇去試青衣城嘅南小館。。。有訂位所以準時6:30pm可以入座,但都係只限90分鐘！ 呢樣都唔緊要， 再睇下餐牌，如果佢真係食上海野嘅話，我覺得呢間野可以好快執， 上海野最出名嘅係紅燒元蹄，東坡肉， 炒鱔糊呢d ，不過呢度通通都冇我懷疑其實係川菜館，好多都係辣同辣同辣！7大1小.叫咗小籠包，醉雞，蒸同炸嘅銀絲卷，酸辣湯，甜品，麻辣燙，四色拼盤，擔擔麵等等⋯⋯但通通都唔好食， 完全唔合格，甜品冇味，醉雞又係冇味，啲麵全部一浸鹼水味，仲有數之不盡嘅差同差同差⋯⋯最後埋單$1600，完全一啲都唔值，呢一間野冇回頭