皇子印度餐廳 (海富樓)

Open Now

Now Closed

好耐冇去過重慶大廈及屯門咖哩屋食印度嘢啦， 癮起但又想近近地， 之前睇過呢間食評似乎幾好， 又講咗要試好耐啦， 咁就今日去啦！叫咗兩個set dinner, 分別係烤雞件及烤羊脾配印度咖哩汁，跟烤餅。 再加碟炒雜菜。由第一碟餐前小食Papadum開始就知唔掂，應脆唔脆，應辣唔辣😒。印度烤雞件一般應該係橙色而且好入味嘅，但佢係同我地中式嘅一樣普通肉色亦唔多夠味，唔多夠香口。烤羊脾係最好食㗎啦，夠香口夠濃味，咁先係印度嘢嘅精髓😋。咖哩汁睇個顏色以為好夠味， 但都係強差人意😞。 而烤餅就正正常常啦！反而個炒雜菜有啲驚喜😅綜合以上種種， 以後要食印度嘢都係行多步去遠少少好啲😂