西貢越南真味

Open Now

Now Closed

見到電視介紹呢間由西貢跳出市區嘅越南餐廳，即刻黎試，沿途check openrice好評如潮，再見到排長龍確實期待，但又好擔心等好耐（我好憎排隊）問店員我前面有幾張枱，佢話一張，心諗可能外面係等外賣嘅，當時我拎嘅係11號手寫飛仔，突然有個6號入，再黎一張3號追枱（即係我前面唔係一張啦😓）算，唔好俾呢啲沙石影響心情… 好好迎接呢一餐。終於有枱，已經喺門口諗晒點咩，馬上點餐：生熟牛肉金邊粉、咖喱牛腩飯、牛油雞翼，點完再望下餐牌，發現有個二人餐！同一個價錢有我點嘅食物再加多一個沙律，但係個侍應完全冇介紹過… 想轉但見佢同厨房溝通好麻煩咁我就唔轉啦，然後等嘅過程黎錯咗幾次食物，感覺似全部工作人員都係啱啱做咁，確實幾亂… 終於黎嘢食啦1）生熟牛肉湯金邊粉即刻試啖湯先～……..無感覺，個湯無鮮甜嘅味道，再食牛…好似切錯紋咁少少鞋，食咗一半諗住加少少魚露再食先發現枱面係無嘅2）咖喱牛腩飯一上枱就覺得同餐牌幅相差太遠，食落口只能用得意黎形容，咖喱偏甜好重椰奶，淡得黎又唔係無咖喱味，唔識形容… 所以係得意3）牛油雞翼個人鍾意又厚又脆嘅粉漿，呢度偏簿，味道可以，少少over cook，唔係我杯茶食嘅過程都