靚湯廚房

Open Now

Now Closed

因為工作關係出左去佐敦做野，收工之後就諗住係附近食埋野先返屋企，之前聽人講過逸東酒店依家除左酒樓同自助餐之外仲有個food court，於是就走左落去矛睇下有咩啱食。最近因為生日所以一星期都有幾餐食得豐富左啲，見到呢間專係做湯品兼家常飯餸嘅鋪頭就揀左佢啦。瑤柱肉鬆蒸水蛋套餐呢間主打湯品，我今次就叫左好黃瓜陳腎土茯苓赤小豆扁豆粟米陳皮煲豬展，主理清熱去濕，主菜就叫左蒸水蛋，再外加一個時菜全走。個湯見到個名咁長就知架勢🤣雖然我唔係食神分得出佢係咪齊哂咁多材料，但作為屋企小湯王由細飲阿媽煲嘅靚湯飲到大就知足料之餘無落味精！湯面無一層油蓋住、時菜全走、蒸水蛋配白飯，簡直健康到不行👍🏻食完都覺得好輕盈無負擔！呢間鋪係值得得一吃再吃！