靚湯廚房

Open Now

Now Closed

逸東food court呢度都幾多嘢食，西式日式中式越南嘢都有齊晒，今日就試吓呢一間老火湯。叫咗個青檸柚子蜜雞扒配菜飯，同埋花生蓮藕燉雞腳湯。呢度仲要sell老火湯，飲落都覺得唔錯，冇味精味，雞腳煲到好腍，係似屋企阿媽煲嘅湯。另外主菜雞扒都幾大塊，青檸柚子蜜味就少見啲，不過食落都唔錯，甜甜地又幾夾。飯就腍咁少少，不過唔太影響，因為有啲小棠菜粒加返啲口感。不過成個lunch set 就貴咗啲，要$90，但有老火湯嘅話都可以接受。

去QEH上堂，近近地同frd去Eaton foodhall食lunch非常多好選擇😍榮式雞扒、鰹烏冬、coco咖喱屋、潮州人等嗰日俾住家飯吸引住，揀咗呢間，選擇幾多▶️ 瑤柱肉鬆蒸水蛋飯餐 ($48)轉菜飯 (+$5)蒸水蛋好大兜，可惜偏水汪汪本身調味淡，自己落咗勁多豉油落去配料唔多，少少瑤柱，同埋肥豬肉🐷但係就食唔到「肉鬆」菜飯一般🍚多白菜但欠缺鹹香旁邊附送甜粟米粒，都係用嚟撈飯食-以住家飯黎講麻麻，因為蒸水蛋算係容易😕食完有啲後悔，見同學啲雞扒飯同烏冬勁吸引雖然$50/lunch唔算貴，但質素唔值呢個價錢，仲要唔包飲品

🍽️ 燉湯套餐 💰$95🍲 木瓜雪耳螺肉排骨湯🍚 章魚肉餅蒸飯🥢 小食：芽菜木耳🍲 八寶瓜粒瑤柱泡飯 💰$58🥢 炸燒賣 跟餐配💰$12木瓜燉湯佢係連埋個燉盅俾你肉味好出，但木瓜味唔夠，下次試埋其他湯先蒸肉餅飯唔錯，肉餅夠淋唔乾，好重章魚味👍🏻八寶瓜粒瑤柱泡飯既材料好普通除咗冬瓜，仲有瑤柱、火腿、蟹柳、蘿蔔。。。夠飽個湯亦都夠未，但係啲冬瓜酸咗😰炸燒賣個皮炸得幾好，但係本身燒賣嘅質素麻麻食落去完全唔彈牙

去左逸東酒店飯堂，今日買左個花膠雞湯餐，到一打開飲，飲水咁，淡到真是熱水咁，我本身念住算，飲多幾啖真是好難頂，我即刻返去搵佢地，同佢地說真是飲唔到淡到水咁，完全無味，我今日呢個是$120 套餐，花膠雞是最貴果款湯，花膠雞點淡都有少少味掛，明顯煲得唔夠耐，完全未煲好就拿比客，淡到熱水一樣，點知佢仲淨是不停話是咁叫我加鹽，加左鹽就有味啦，我嘩左聲， 咁我洗鬼黎飲湯，之後我由佢，無再曬時間同佢嘈。呢間垃圾餐廳咁樣做生意，不知所謂，以後唔會再幫襯。

響佐敦嗰邊行緊去尖沙咀東部嘅時候諗起要食嘢，因為天氣太熱，大家都唔想出去，所以就諗住買外賣返去食，經過見到靚湯廚房其中一個朋友好想食酸甜嘢，所以就買咗呢間嘅外賣嚟試吓。分別嗌咗三個唔同嘅飯，加一個湯 。菠蘿咕嚕豬扒菜飯，豬扒返到嚟仲係脆嘅，個汁都有啲中式咕嚕肉味，又唔會感覺太杰，都好有中式咕嚕肉味道，啲汁都夠撈飯嘅。加咗嗰個湯係象拔蚌鮑片椰子雪耳杞子紅棗煲竹絲雞，湯嘅味道係幾好嘅，亦都唔算細碗，不過佢係一啲湯渣都冇嘅，唔介意嘅話都值得飲。瑞士汁雞翼飯就有四隻雞翼，啲雞翼都幾大隻，唔似好多餐廳用啲好細隻嘅雞翼，個汁都有太平館嘅感覺，同埋用嚟撈飯啱啱好，唔會太甜。最後仲有日式燒肉汁豬扒飯，豬扒都係仲係脆嘅，份量都幾多，燒肉汁就會比較偏甜，鍾唔鍾意食就要睇個人口味，整體上呢間餐廳啲嘢食味道都唔錯。

「靚湯廚房」的「燉湯配肉餅飯」是一道美味又滿足的餐點。燉湯的濃郁口感與湯汁中的食材，以及肉餅的香脆和米飯的口感完美結合，呈現出豐富的層次感。如果你喜歡濃郁湯品和美味的肉餅，我強烈推薦你來試試「靚湯廚房」的「燉湯配肉餅飯」。

因為工作關係出左去佐敦做野，收工之後就諗住係附近食埋野先返屋企，之前聽人講過逸東酒店依家除左酒樓同自助餐之外仲有個food court，於是就走左落去矛睇下有咩啱食。最近因為生日所以一星期都有幾餐食得豐富左啲，見到呢間專係做湯品兼家常飯餸嘅鋪頭就揀左佢啦。瑤柱肉鬆蒸水蛋套餐呢間主打湯品，我今次就叫左好黃瓜陳腎土茯苓赤小豆扁豆粟米陳皮煲豬展，主理清熱去濕，主菜就叫左蒸水蛋，再外加一個時菜全走。個湯見到個名咁長就知架勢🤣雖然我唔係食神分得出佢係咪齊哂咁多材料，但作為屋企小湯王由細飲阿媽煲嘅靚湯飲到大就知足料之餘無落味精！湯面無一層油蓋住、時菜全走、蒸水蛋配白飯，簡直健康到不行👍🏻食完都覺得好輕盈無負擔！呢間鋪係值得得一吃再吃！

佢哋啲湯真心好飲 夠濃足料 飯餸有家的味道（推介他們的蓮藕餅，好好食不過有點熱氣）外賣餐盒佢哋用可入微波爐的耐熱pp5餐盒 非常貼心 另外佢哋啲員工嘅服務態度都唔錯 整體嚟講👍🏻👍🏻👍🏻

最近在呢頭做野，為了解決lunch 問題，就黎到逸東的Food court, 今日揀左靚湯廚房這邊咁多間餐廳當中，佢的價錢有飯食都算係最平啦，旁邊嘅日本野就真係比較多人呀，lunch時段太趕我就無排到佢地隊😂😂不過我呢個由order到拎都等左10分鐘。青檸柚子蜜雞扒配白飯，成為45個大洋，雞扒是烤的，脆口，青檸柚子汁酸酸甜甜，算開胃😉，我仲叫了多白飯，但飯的質素就真係普普通通，一個快lunch 黎講我都無奢求太多😂😂

滋補燉湯！晚飯套餐普遍六十幾元就有得食，不過我見到燉湯系列都好吸引，於是試吓個貴少少嘅套餐，小菜都有幾多選擇，如果想飲吓熱辣辣嘅湯水，不妨一試！花膠燉湯套餐$105- 小菜方面我揀咗青檸柚子蜜雞排配白飯，雞排炸到好香脆，邊邊炸粉位好似食緊薯片咁香口，柚子蜜同雞排好夾。套餐附送小食: 涼拌芹菜芽菜仔，口感清新。重點係沙參玉竹圓肉杞子燉雞湯，材料豐富，有大大塊花膠、烏雞、豬肉、杞子，飲落順喉粘口，充滿膠質。燉湯好熱，最啱喺冷氣大嘅時候飲，同埋佢冇落鹽，可以自行加鹽。不過食到最後有啲口渴，可能小菜入面有味精。呢個燉湯價錢比較貴，未必會再叫，可能$65嘅套餐會抵食啲。

逸東staycation, food court搵食。扲完房，佈置完，已是下午3點，肚餓仔去搵食。決定去逸東時1516要不要book自助餐，但睇見佢food court都好多嘢食，加上聖誕節臨近，決定留返d quota去食其他好嘢。 逸東food court裝修好有誠意， 酒樽聖誕樹，型格得來都幾靚。老公經過靚湯廚房睇中下午茶，$40多有碗靚湯又有麵同豬扒食，抵。螺片海底椰龍皇杏蘋果百合粟米栗子煲豬踭(個名好長。。。) 湯真材實料，有人表示想食埋湯渣。撈麵第一下吃，覺得有種好熟識的味道，係葱油味！(原諒我注意力都係靚湯度，其實我無為意佢寫明係葱油撈麵) ，撈麵好好味重愈食愈想食。豬扒香口有驚喜，但有些油(看看碟上) ，明白係炸的，但如果上碟前可以用吸油紙吸一吸。或有些菜絲墊底，感覺會好好多。這個下午茶，我和老公都好滿意，特別係老公過左幾日都會想起個靚湯。

🌹6 December 2021Hello 又係我我又去左逸東個foodhall食野😹😹今次試左呢間靚湯廚房因為平時食得太多西式野 日韓式野已食到悶悶地😹所以就想食番中式少少最後就揀左呢間😈叫左個貴紀雞set另加一個菜 $81個set都十分豐富想講老細好好原先個set只係配白飯但佢幫我地升級 變左做菜飯(原要+$5)🌹1）菜飯想講淨係佢呢個菜飯都落足料入面既菜好多 唔會只係得面頭先有所以原先要+$5 我覺得十分合理除此之外入面仲有紅米嫁🤤令到成件事變得好健康讚讚讚😛2）菜心無記錯 菜心係另加$16但份量都唔少嫁！菜心是甜的 好味🤤平時唔多食菜既我都夾多左幾條黎食🥰同埋想讚佢呢個菜唔會太多油岩曬想出街食但又想食得淡又健康嘅人3）主角貴妃雞首先 佢既賣相好令面層有花生碎底層仲有青瓜呢擺盤一啲都唔馬虎講番個雞先肉偏瘦 所以肉唔太多但肉質偏硬 唔夠soft如果soft番dd會好食好多呢！不過 我地都滿意既無太多肥膏就最好不過唔洗自己去咬番出黎😚5）酸蘿蔔呢個好surprise估唔到佢隨set隨送酸蘿蔔超開胃既小食❤️蘿蔔奄得岩岩好唔好整得太酸那親個喉嚨Overall 滿意絕對會有下次😈

【 瑤柱肉鬆蒸水蛋🍳】($42)---👉🏻 飯餐主食 (+$5 轉紅米飯)～～～📍評分：9/10 ～～～⏩ 繼續我既香港逸東酒店Eaton Food Hall覓食系列🤣，變左呢度既常客了😜！今次試下呢間睇落好有家常菜feel既餐廳🥰，感覺幾有港式風味！～～～蒸水蛋入口非常滑溜🤤，唔會過老或者過水，口感啱啱好👍🏻！肉鬆其實就係肉餅切粒🐷，豬肉餅蒸得好淋，肉香同蛋香好夾👅！再加埋煙煙韌韌好有嚼勁既瑤柱乾😚，瑤柱既鮮香好加分，令成個口感同味道都好有層次好豐富😋！紅米飯超多紅米啊😍，直程9成都係紅米‼️堅足料又有咬口，紅米香好濃❣️！配埋西蘭花粟米沙律🥦🌽，甜甜既粟米好開胃💛！～～～✅ 整體黎講，真係有種家常便飯既味道❤️，而且係足料又好味，價錢亦好抵食😝，仲係健康營養之選添💪🏻！～～～

晚上很晚了想解决下晚饭，就去逸东酒店楼下看了看，大概是晚上八点半左右，看了下这家店还在开着还可以点餐，就去这家点份饭吃了，跟店员普通话沟通完全可以，我点的菠萝古老煎鸡肉，加了一份椒盐炸烧麦和一罐零度可乐，个人觉得味道很不错，算是值这个价格。

上次經過Eaton先知入面係有個food court，見個門口好似幾靚咁，所以今晚就走左入去睇下有咩食。入到去乾淨企理，地方夠大，每張枱都隔左幾遠所以坐得舒舒服服。行左一個圈之後，雖然好多間都想食，但最後揀左「靚湯廚房」，因為好耐無飲過燉湯😋每晚其中一款湯係「瑤柱螺頭五指毛桃蓮藕百合陳皮煲豬展」，本身自己中意螺頭所以叫左依個。單點個湯$40，但套餐可以揀一個主食同有飯，都係$62，所以最後點左套餐。另外加左$5可以轉菜飯👍🏻湯方面，味道好夠，而且飲完過左好耐都唔口渴，所以唔會係味精湯。個湯都夠熱辣辣，好適合黎緊天氣轉涼既時候飲。原本以為個湯會有湯渣，但原來係無的，所以有少少失望。主食就叫左「咸蛋蒸肉餅」，肉餅唔洗撈埋個咸蛋已經好夠味，好食👍🏻另外值得推介既就係個菜飯，出面好多菜飯都會煮到好濕身，但今次依個用水份量岩岩好，夠乾身，加$5絕對係值得嘅，所以有啲後悔自己叫左少飯🙈個人評分（滿分為5）味道：😉😉😉😉😉環境：😉😉😉😉😉員工友善度：😉😉😉😉😉CP值：😉😉😉😉😉