Video
Read full review
2023-11-25
25 views
火鍋放題] 朋友仔話佢屋企附近開咗間新嘅打邊爐，見到Menu好抵食咁，所以就去試下~我哋揀咗ABC餐，$298/位，仲要唔駛加一，飲品任飲！任食2.5個鐘！🔹前菜🔹 一坐低店員姐姐俾左碟前菜我地，話食住等雞煲，因為要即炒~前菜有4款，其中一樣仲要係凍魚皮！出面食一碟都幾十蚊~🔹燉湯🔹無啦啦師傅又上兩盅燉湯，睇返原來C餐包嘅~但見到黑蚊蚊就問係咩湯~原來係瑪卡生熟地燉烏雞湯~一聽就知好滋補，天氣涼，好啱飲!🔹海鮮船🔹真係大到成隻船咁！好特別上面仲有芝士粉~入面有7, 8樣海鮮，仲有烏冬加粉絲底，索哂啲海鮮味，超好食！🔹火焰雞煲🔹揀左微辣~上枱真係熊熊烈火！店員姐姐幫我地炒香，上面白色嘅係甜麻糬，好特別，同好好食~出面索晒啲雞汁，入面甜甜哋好煙韌~啲雞啖啖肉，仲有豬皮！全部都好吸引~但食到呢度已經開始飽……實在太豐富!!!🔹手砌牛頸脊🔹可能手砌，樣無機砌咁靚，無乜期望~點知食落好香牛味，同埋唔會靭~驚訝！🔹火鍋🔹揀咗情傾特濃潮汕夜湯底~老闆推介，話係沙嗲湯~呢度係特別嘅，因為甜甜地，又好濃沙嗲味~可惜已經好飽，出面成櫃嘅任食配料都試唔到……所以下次要再encore, 但要同一大班frien
朋友仔話佢屋企附近開咗間新嘅打邊爐，
見到Menu好抵食咁，
所以就去試下~
我哋揀咗ABC餐，$298/位，仲要唔駛加一，飲品任飲！
任食2.5個鐘！
🔹前菜🔹
一坐低店員姐姐俾左碟前菜我地，
話食住等雞煲，因為要即炒~
前菜有4款，其中一樣仲要係凍魚皮！
出面食一碟都幾十蚊~
🔹燉湯🔹
無啦啦師傅又上兩盅燉湯，
睇返原來C餐包嘅~
但見到黑蚊蚊就問係咩湯~
原來係瑪卡生熟地燉烏雞湯~
一聽就知好滋補，
天氣涼，好啱飲!
🔹海鮮船🔹
真係大到成隻船咁！
好特別上面仲有芝士粉~
入面有7, 8樣海鮮，
仲有烏冬加粉絲底，
索哂啲海鮮味，
超好食！
🔹火焰雞煲🔹
揀左微辣~
上枱真係熊熊烈火！
店員姐姐幫我地炒香，
上面白色嘅係甜麻糬，
好特別，同好好食~
出面索晒啲雞汁，
入面甜甜哋好煙韌~
啲雞啖啖肉，
仲有豬皮！
全部都好吸引~
但食到呢度已經開始飽……
實在太豐富!!!
🔹手砌牛頸脊🔹
可能手砌，樣無機砌咁靚，
無乜期望~
點知食落好香牛味，
同埋唔會靭~
驚訝！
🔹火鍋🔹
揀咗情傾特濃潮汕夜湯底~
老闆推介，話係沙嗲湯~
呢度係特別嘅，
因為甜甜地，又好濃沙嗲味~
可惜已經好飽，
出面成櫃嘅任食配料都試唔到……
所以下次要再encore,
但要同一大班friend黎食先得！
Post
