Video
Read full review
2024-07-24
1811 views
香港嘅夜景其實真係好靚🤩 好多人都會覺得最正嘅環境一定係尖東海旁或者山頂嘅餐廳，今日我推薦呢一間近期我認為最出色嘅中菜😎 餐廳環境高貴，服務專業，夜景一絕✅ 仲有無可挑剔嘅美食，喺會展嘅＜金紫荊生記粵菜廳＞ 絕對值得大家收藏🌟餐廳位於會展地下，正正係金紫荊廣場旁邊， 餐廳嘅裝修係高級酒店級數，服務都係👍 唔怪得佢係2024米芝蓮嘅入選餐廳，今日試咗佢嘅九道菜餐，行政總廚烹製嘅高級粵菜，樣樣都係冇得彈🫶🏻匠心. 雅宴 每位$1288 🌟焦糖伊比利亞黑毛豬叉燒肉質無可挑剔，少少燶邊，厚切，好正🫶🏻🌟龍井煙燻素鵝好強嘅煙燻香味，裡面啲料好爽脆，素菜做到呢個效果真係好出色😍🌟蔥油海蜇花我本身對海蜇麻麻地，但係佢嘅爽脆加埋個蔥油香味，仲係好少有嘅厚切，我覺得好食喎😆🌟龍皇杏汁燉花膠絕對必試嘅湯品🤩 賣相非常吸引，味道夠香濃，另外個花膠真係冇得頂，靚嘢又夠厚👋🌟椰皇芙蓉新鮮拆龍蝦球 上枱嘩一聲，龍蝦球蒸得啱啱好，一啲都唔老，鮮味落咗度啲蛋白度，少少椰皇嘅香味，三樣食材非常夾🥰🌟遠年陳皮欖角煎鯧魚柳 我今晚最喜歡嘅一碟菜，陳皮欖角嘅香味好出，不但冇蓋過鯧魚柳嘅鮮味，煎香咗嘅魚皮仲多一種口感😌🌟椒麻厚
餐廳位於會展地下，正正係金紫荊廣場旁邊， 餐廳嘅裝修係高級酒店級數，服務都係👍 唔怪得佢係2024米芝蓮嘅入選餐廳，今日試咗佢嘅九道菜餐，行政總廚烹製嘅高級粵菜，樣樣都係冇得彈🫶🏻
匠心. 雅宴 每位$1288
🌟焦糖伊比利亞黑毛豬叉燒
肉質無可挑剔，少少燶邊，厚切，好正🫶🏻
🌟龍井煙燻素鵝
好強嘅煙燻香味，裡面啲料好爽脆，素菜做到呢個效果真係好出色😍
🌟蔥油海蜇花
我本身對海蜇麻麻地，但係佢嘅爽脆加埋個蔥油香味，仲係好少有嘅厚切，我覺得好食喎😆
🌟龍皇杏汁燉花膠
絕對必試嘅湯品🤩 賣相非常吸引，味道夠香濃，另外個花膠真係冇得頂，靚嘢又夠厚👋
🌟椰皇芙蓉新鮮拆龍蝦球
上枱嘩一聲，龍蝦球蒸得啱啱好，一啲都唔老，鮮味落咗度啲蛋白度，少少椰皇嘅香味，三樣食材非常夾🥰
🌟遠年陳皮欖角煎鯧魚柳
我今晚最喜歡嘅一碟菜，陳皮欖角嘅香味好出，不但冇蓋過鯧魚柳嘅鮮味，煎香咗嘅魚皮仲多一種口感😌
🌟椒麻厚切澳洲M9和牛
香到不得了嘅一味菜🥰 鍾意食麻辣既朋友，呢個係高級版，M9和牛柳一啲都唔韌，香辣味夠，而且佢啲花椒脆到係食得嘅，所以味蕾嘅感受好直接，好正👍
🌟鵝蔥油伴手工麵
係食到輕輕嘅鵝油味，連埋蔥油食已經好好食，呢個時候一定要配埋佢嘅XO醬，味道即刻提升😍
🌟桂花百合燉桃膠伴懷舊芝麻卷
桃膠好厚身，百合爽脆，成個甜品都好完整， 懷舊芝麻卷唔係度度有得食，菲林卷好好食呀，真係要珍惜下😌
＜金紫荊生記粵菜廳＞ 無論食物，環境，服務都係無可挑剔👍 食飯期間啱啱有幻彩詠香江， 令到呢個用餐體驗又豐富咗😬 我一定會再嚟食，下次帶埋屋企人黎試下，佢哋一定會好鍾意🥰 我建議大家如果想星期五六日食，一定要打電話嚟訂枱，因為我星期五嚟都唔少人😆 最近仲有書展添，大家如果仲煩緊同屋企人去邊度食飯，黎＜金紫荊生記粵菜廳＞試下，真係唔錯，真心推介🫶🏻
Post
