越之味 (新都城中心) (Closed)

我原本都唔會點寫食評，但食完碗車頭湯河真係唔寫唔得 ，碗麵入面有慢煮燒牛肉，生牛肉，牛丸同扎肉。個湯食得出唔係味精，用咗好多唔同嘅香料。啲肉一咬落去真係食到反白眼，入口即溶，生牛肉都係軟綿綿，扎肉同牛丸都好彈牙，好掂。我仲叫咗春卷添，配埋啲撈㩚汁一齊食勁開胃 ，佢仲有新出一個豬頸肉同雞翼，都係好好嘢。至於出菜時間方面，我覺得超快，我好似坐咗一陣都冇就有嘢食，侍應方面幾有禮貌。喺度食餐飯都幾舒服。如果你本身鍾意食越南野 ，我真係強烈推介你尼食。