麵屋丸京

Open Now

Now Closed

放假不時都會去深水埗，發掘一下唔同小店，成日都會有驚喜收獲~今日黎到深水埗，突然好想食拉麵，最後揀左呢間麵屋丸京，有叉燒同真叉燒，好有趣!餐廳裝潢簡潔明亮，充滿日式風味。丸京拉麵加HK$12轉左蝦湯，賣相吸引，擺得好精緻。大量櫻花蝦香酥可口，湯底蝦味濃郁，好鮮甜。配料有叉燒3枚、真叉燒3枚、蛋及筍。叉燒軟嫩Q彈，而真叉燒經慢煮後，肉質更為鮮甜軟滑，入口即化，正!黃澄澄糖心蛋，呈半熟膏狀，蛋香軟嫩。豚骨拉麵清湯湯頭清澈，有淡淡醬油香，配料為叉燒3枚、蛋及筍。薄身叉燒肥瘦適中，帶點燶邊，鮮甜細嫩有咬口，香而不膩。糖心蛋咬落蛋香滿溢，好滋味。