好呷台灣火鍋

Open Now

Now Closed

星期日1145去到攞籌，即刻可以入去，有大把空檯，個侍應帶我哋去一張四人枱坐，中間加塊膠板，隔離坐另外一枱人，比較迫！我朋友見到有car位，問侍應可唔可以轉過去？！侍應話唔得因為係四人枱，咁我哋就話ok, 於是點餐⋯⋯點知十分鐘后，侍應就安排一對情侶坐果度！只有兩個人！早到的人得到的坐位安排竟然比遲到的人更差！？！乜嘢係先到先得？簡直不知所謂！算了我哋繼續食，點一個C餐，有一些肉、餃、丸之類….質素真的比牛大人、山見差一大截！其中牛肉最為驚嚇！肉唔係一片片，係碎濕濕，灼熱之後更可以用肉碎來形容！所謂嘅養生雜菌湯底，就係米色咸水加幾條金菇。而自助bar果邊嘅食物就只有硬….全部味道都差到一個點！記住係好似食緊「硬膠」一樣無味！台式飲品今日係真珠奶茶，大概係一杯咖啡色嘅糖水，好難飲！仲甜過蕃薯糖水果d糖水！！！算啦我轉飲無糖茶，就苦劫過茶餐廳齊啡！另外我懷疑佢哋將冷氣調到好細慳電！！！本人唔係熱底都背脊出晒汗！我隔離可愛嘅肥仔額頭都滴哂汗！成間野好焗！救命呀！大佬呀！點解你哋要咁樣破壞我美好嘅星期日呀？！！兩人食咗大約六百蚊，但完全不值。真的不了………