Video
Read full review
2024-11-23
2038 views
因為突然間想食海膽，但又唔想行咁遠，所以就book咗公司附近呢間新開嘅日式放題。坦白講睇咗好多食評，基本上佢哋食評都好兩極，真係天堂同地獄嘅分別，咁都明白所有好評一定係blogger，咁由於本身我個人都唔係太挑剔，見啲相幾好睇就決定試下。首先環境絕對唔係好似其他食評講到咁日式乾淨亮麗，張二人枱仔真係好細，細都唔係最主要嘅重點，隔離只係相隔3cm🌝咁啱我去到嘅係小卡位，所以我坐低咗，如果唔係我諗我擰轉面走咗🙂選擇咗$528/位既放題。首先自助區基本上全部預製菜，唔特別講，刺身同普通熟食正常一般冇特別，普通放題質素，但串燒冇味，唔建議叫任何串燒。咁都唔緊要，因為主要食海膽同榴槤明白如果要所有種類都出類拔萃嘅唔止呢個價錢。結果海膽除咗非常薄之外，基本上嚟咗第一輪，就已經冇再嚟過🌝無論我嗌5份10份20份30份40份，佢廚房部單機都可以自動消失咗我張單😀點餐時間90分鐘，過咗60分鐘我都只係食過一次，咁好啦，咁同佢員工講完又講，終於黎左一碟，再然後都係無論我點樣落單都係唔會嚟，再同佢員工反映，然後夾硬出咗一碟俾我，然後見到佢啲廚房師傅行晒出嚟望我嗰張枱，我嗰刻簡直覺得自己係乞兒🙂到榴槤，喺12
坦白講睇咗好多食評，基本上佢哋食評都好兩極，真係天堂同地獄嘅分別，咁都明白所有好評一定係blogger，咁由於本身我個人都唔係太挑剔，見啲相幾好睇就決定試下。
首先環境絕對唔係好似其他食評講到咁日式乾淨亮麗，張二人枱仔真係好細，細都唔係最主要嘅重點，隔離只係相隔3cm🌝
咁啱我去到嘅係小卡位，所以我坐低咗，如果唔係我諗我擰轉面走咗🙂
選擇咗$528/位既放題。
首先自助區基本上全部預製菜，唔特別講，刺身同普通熟食正常一般冇特別，普通放題質素，但串燒冇味，唔建議叫任何串燒。
咁都唔緊要，因為主要食海膽同榴槤
明白如果要所有種類都出類拔萃嘅唔止呢個價錢。
結果海膽除咗非常薄之外，基本上嚟咗第一輪，就已經冇再嚟過🌝
無論我嗌5份10份20份30份40份，佢廚房部單機都可以自動消失咗我張單😀
點餐時間90分鐘，過咗60分鐘我都只係食過一次，咁好啦，咁同佢員工講完又講，終於黎左一碟，再然後都係無論我點樣落單都係唔會嚟，再同佢員工反映，然後夾硬出咗一碟俾我，然後見到佢啲廚房師傅行晒出嚟望我嗰張枱，我嗰刻簡直覺得自己係乞兒🙂
到榴槤，喺120分鐘入邊，都係無論我落幾多次，佢都係唔理我嘅，夾夾埋埋我食咗四嚿。
佢平嗰個餐同貴嗰個餐爭$200，分別就在於榴槤同埋海膽，但佢又唔捨得出，呢個經營模式其實真係好嘔心，好小家，其實心痛食材做唔起放題就真係唔好夾硬做，好肉酸🌝
然後最後黎咗兩個佛跳牆，明明第一round size係正常酒樓碗仔，喺我同佢啲員工追完海膽之後，佢離嘅size係面盆咁大，我問返佢啲Staff，呢個係咪正常size，佢啲Staff係完全答唔出🌝
總結埋單1056，因為新開張唔使收加一服務費，但食咗嘅係大部份下欄嘢，唔可以話難食，但完全冇開心嘅感覺，其實網上已經好多差評，結果我自己仲去食，係我自己抵死，希望你哋睇到呢個食評，唔好再去試伏🙏🏻
Post
