瀛鮮 (馬蹄徑) (Closed)

第一次幫襯，本身有啲期待。圖片有啲色差，可能華為手機影相靚。實質啲食物真實睇係無光澤，特別係油甘魚同劍魚腩，好暗淡，望到都無咩胃口。個海膽，係發黑既。。。。。軍艦既紫菜，我拎完行番公司5分鐘，完全淋哂？應該係本身就淋既。講明即叫即整，咁應該賣點係新鮮。但我5分鐘時間返到公司打開盒，就好似望住啲廉價迴旋壽司由上午轉到夜晚仲擺係度既貨色。其實店員有禮貌，服務幾好，我本身係有期待，拎定張點餐紙，打算長期幫襯可以預先電話點餐。但今次真係好失望，希望店家見到篇食評會認真改善。