Video
Read full review
2019-01-21
2001 views
踏入2019年似乎有很多新開始，其中之一就是想更加健康，當然需先從入口的開始，知道公司樓下開了一家沙律專門店，數月來一直只是路過，今個星期終於走去看清楚。 來自星加坡的 SaladStop! 沙律卷物餡料非常多彩，冷暖食品都有，客人可以 DIY，首先選擇食沙律、卷物或穀物，然後揀六款蔬菜、肉、魚、豆類等中西日合壁，最後有超過20款醬汁可以揀，其實都有些花多眼亂。好似我咁多心嘅人，為了省時，都係揀配好了的招牌，我喜歡問邊款最多人買，咁揀佢都唔會錯得去邊。Habibi Salad $66 可能太古坊都係外籍人比較多，口味比較西化，最好賣的 Habibi 以豆為主餡，香脆的 falafels 鷹嘴豆的確成功提升沙律的層次，但要快食，如果外賣放久會變腍，加埋 chickpeas 就會變成軟糯的口感，視乎你喜不喜歡，我就麻麻哋。 酸味的 Arabian Spiced Vinaigrette 醬汁醒胃，配炸物合適，但唔算突出。Yeobo Yeobo Wrap $78 卷物的皮可揀普通、菠菜、蕃茄及全麥，我揀了菠菜。 我估香港人口味會比較喜歡這個 Yeobo Yeobo，因為肉的餡料是韓式
踏入2019年似乎有很多新開始，其中之一就是想更加健康，當然需先從入口的開始，知道公司樓下開了一家沙律專門店，數月來一直只是路過，今個星期終於走去看清楚。
來自星加坡的 SaladStop! 沙律卷物餡料非常多彩，冷暖食品都有，客人可以 DIY，首先選擇食沙律、卷物或穀物，然後揀六款蔬菜、肉、魚、豆類等中西日合壁，最後有超過20款醬汁可以揀，其實都有些花多眼亂。好似我咁多心嘅人，為了省時，都係揀配好了的招牌，我喜歡問邊款最多人買，咁揀佢都唔會錯得去邊。
Habibi Salad $66
可能太古坊都係外籍人比較多，口味比較西化，最好賣的 Habibi 以豆為主餡，香脆的 falafels 鷹嘴豆的確成功提升沙律的層次，但要快食，如果外賣放久會變腍，加埋 chickpeas 就會變成軟糯的口感，視乎你喜不喜歡，我就麻麻哋。
酸味的 Arabian Spiced Vinaigrette 醬汁醒胃，配炸物合適，但唔算突出。Yeobo Yeobo Wrap $78
卷物的皮可揀普通、菠菜、蕃茄及全麥，我揀了菠菜。
我估香港人口味會比較喜歡這個 Yeobo Yeobo，因為肉的餡料是韓式牛肉 warm bulgogi beef，仲要係喛的，配合冬菇、蛋、豆及蕎麥，食得又飽又健康，不過唔覺有幾多 Korean Chilli Vinaigrette，我本以為會是有點辣，或者係我錯，仲有一點是如果牛肉份量可以多些，我會更開心！Broth Bowls 菠菜湯青瓜蘿蔔麵 $78
期間限定供應至三月的新產品，我當然唔會放過。
沙律專門店的湯麵當然唔會係真，青瓜絲蘿蔔絲就是麵，湯就真係有，味道很清淡的菠菜大豆湯，秘密在旁邊配備的韓國辣椒醋，加了落湯裏面，湯頭的味道完全唔同晒，滋味得多。
這個面有三款主食配搭，煎豆腐、烤三文魚或烤雞，我揀了前者，全素食的健康之選。
Kombucha Goji Ginger $52, Strawberry Dream $48, Strawberry Yogurt Cereal
飲品都是有機健康的，Kombucha 發酵茶－ 杞子薑綠茶菌口味，每日一枝，幫助消化，清香果茶的味道，少甜，薑味略嫌不足。
提提大家，因為裏面有活性發酵菌，有少許汽泡，我仲以為需先搖吓才飲，開蓋之後氣泡湧晒出嚟，搞到好失禮，大家唔好學我。
Strawberry Dream 全天然，士多啤梨、番石榴及梨汁的混合，自然的果味。
仲有杯士多啤梨乳酪穀物，梨味香乳酪滑，好味。
Post
