牛石料理 (Closed)

🫰🏻真心推薦九龍城必食日之料理-牛石料理🐮你就知我係日本控，最鍾意就係食日本燒肉，今次就試咗個牛石二人會席套餐，我覺得呢地方好適合慶祝生日或者紀念日，或者平時相對自己好啲都可以。真心值得再去，服務好食物質素又高。二人餐，－開始有蟹籽沙律，刺身三款，不過刺身三款都好新鮮，海膽我嘅最愛，好有喺日本食嘅感覺。跟住當然去到主角，必食嘅燒肉，有日本和牛西冷，頂級牛小排，牛舌心，日本黑豚西冷，和牛既雪花就見到係誠意之選，絕無欺場。 之後仲有鰻魚炒飯，真係粒粒鰻魚，個蛋底炒得好香。平時夜晚少食澱粉嘅我，都忍唔住食咗兩碗。甜品就有日本雪糕。嗰日胃口特別好，我哋追加咗個甲羅燒同蟹粥，個格羅燒燒得好香好正宗，個蟹粥啖啖蟹膏。特別驚喜嘅係，佢可以轉輪盤，試吓你嘅運氣可以抽到啲咩嘢食或者飲品，我就抽到A5和牛。