Video
Read full review
2019-02-20
253 views
未試過有一間餐廳，差到我忍唔住要上黎寫食評。係網上面見到有個youtuber介紹尼間燒肉好似唔錯，所以就book左黎同男朋友慶祝情人節。21:30上到去先發現無左優惠，仲要加左價，海鮮燒肉半放題$338加一。不過尼啲日子，加多少少就算啦，照坐底食。點知就中晒伏！伏位一 ： 賣相完全唔得限時兩個鐘，不過坐底左起碼15分鐘都未上食物，我同男朋友覺得有兩個鐘都食唔晒，就等下，費事催人啦⋯ 終於等到有野食，第一轉上既刺身，海鮮同燒肉係ok既。咁就加單落第二轉，點知黎到啲肉，雪到硬晒，啲肉上面仲癡住冰😖😖😖同埋我地幾款肉一齊嗌，都預左侍應唔會講邊款肉打邊款肉架啦，但佢上左一堆肥牛，我地真係估唔到係邊款囉！擺明就係隔離火鍋放題啲肥牛！😡😡另外，所謂‘薄切牛舌’仲厚過我條脷。伏位二 ： 蠱惑的爐佢唔係用明火爐，頭一轉燒都好地地。點知燒第二轉既時候，個爐好似突然無晒火咁，只係微微暖，啲肉完全無左燒既感覺，點較個爐都無用，等左十個分鐘都係咁，正想搵侍應之際，我地斜後面果枱個男仔截左我地糊，原來佢既情況同我地一樣，個蠱惑的爐時大時細，好似識自己較大細咁。點知個侍應答佢：‘係呀！上一枱都有同我地反映。’然後
係網上面見到有個youtuber介紹尼間燒肉好似唔錯，所以就book左黎同男朋友慶祝情人節。21:30上到去先發現無左優惠，仲要加左價，海鮮燒肉半放題$338加一。不過尼啲日子，加多少少就算啦，照坐底食。點知就中晒伏！
伏位一 ： 賣相完全唔得
限時兩個鐘，不過坐底左起碼15分鐘都未上食物，我同男朋友覺得有兩個鐘都食唔晒，就等下，費事催人啦⋯ 終於等到有野食，第一轉上既刺身，海鮮同燒肉係ok既。咁就加單落第二轉，點知黎到啲肉，雪到硬晒，啲肉上面仲癡住冰😖😖😖同埋我地幾款肉一齊嗌，都預左侍應唔會講邊款肉打邊款肉架啦，但佢上左一堆肥牛，我地真係估唔到係邊款囉！擺明就係隔離火鍋放題啲肥牛！😡😡另外，所謂‘薄切牛舌’仲厚過我條脷。
20 views
0 likes
0 comments
17 views
0 likes
0 comments
伏位二 ： 蠱惑的爐
佢唔係用明火爐，頭一轉燒都好地地。點知燒第二轉既時候，個爐好似突然無晒火咁，只係微微暖，啲肉完全無左燒既感覺，點較個爐都無用，等左十個分鐘都係咁，正想搵侍應之際，我地斜後面果枱個男仔截左我地糊，原來佢既情況同我地一樣，個蠱惑的爐時大時細，好似識自己較大細咁。點知個侍應答佢：‘係呀！上一枱都有同我地反映。’然後就走左。我心諗，明知有問題仲比第二枱客坐既🙂其實係咪全場啲爐都係咁🤷🏼♀️等你啲人燒慢啲，食少啲。
11 views
0 likes
0 comments
伏位三：牛唔係無牛味咁簡單，係完全無味
終於等到大火既黃金幾分鐘，我地就爭取時間燒，點知一食，啲牛無味既！
伏位四 ：懶惰的侍應
中途叫過個阿姐換爐紙，轉頭阿姐走左去吹水，到第二個哥哥仔黎，我地再叫，先換到。都算⋯由於啲野太難食既關係，我同男朋友未夠鐘就叫賣單，咁岩又係頭先個阿姐行埋黎，我地叫佢上埋雪糕，佢用半咸淡既廣東話答：‘我費事行出去拎雪糕order紙，我講你聽有咩雪糕啦，Haagen dazs 有‘野尾’，’草尾’同‘卡飛’， 我淨係大概估到草尾係乜，咁就唯有嗌草尾啦～～其實另外仲有movenpick，不過我完全唔知佢up乜。
順帶一提，如果大家係睇完某youtuber 介紹就一定會失望。Hoegaarden任飲已變Budweiser, 優惠時段85折已變9折。
23 views
0 likes
0 comments
Post
