鋿晶館

Open Now

Now Closed

位於西港城附近(港鐵站上環B1出口)的鋿晶館，聽聞師傅曾經做過日本東京富麗華多年，專為高管達人和明星服務，回港後在多間米芝蓮酒店及大型連鎖酒樓集團做主管，經驗豐富，所以滿心期待，果然冇失望。早市飲茶享用一盅兩件，點心熱騰騰又美味！值得推薦給各位食家。食物🍚呢間酒樓賣點之一係自家製品牌，所有點心現場即點即做，手作點心茶方面叫咗一壺水仙，色澤金黃，茶味濃郁，泡過四次茶味原香仍然芬芳未散。櫻花蝦芋頭糕，芋泥香濃，加上鮮美脆脆櫻蝦，配搭得好有心思。順德魚茸韮菜餅，餅外皮香脆內涵韮菜搭魚茸，外剛內柔，咬落颯爽有聲！新彊紅棗糕，棗紅色晶瑩剔透，味道引人入勝，食落不覺太甜腻，是上乘的甜點。日本南瓜雜豆粥，粥底香濃南瓜味道甘美，有咬口，花生雜豆入口鬆化。黑松露燒賣，一盅两件即叫即蒸熱辣辣，饀料飽滿黑松露別具風味。蜜汁叉燒包，叉燒肉好大粒，皮唔會太厚這個早茶非常滿足，店內員工服務周到，有傾有講，有時間一定會再次造訪！