Video
Read full review
2011-10-11
9 views
團購$176兩位 見openrice食評不錯 我又鍾意食呢d 所以即買食完之後覺得 大家既食評都係真架!!! 呢度係真係好好食呀!!!! 唔係全部團購都衰架早到左 呢度檯唔多 幾細 但係老闆娘擔張凳仔比我地坐埋一邊等 等左唔係好耐就有位lu~ 不過呢度幾黑.... 以下係餐牌 1. 精選例湯 Soup of the day2. 雜菜沙律 Green salad3. 小食拼盤 Appetizar set︰印式雜菜咖哩角 Veg Samosa香燒春雞 Tandoori Chicken尼泊爾蒸餃子 Momo4. 肉類主菜 Main Course (任選 2 款)︰特色蕃茄雞 Chicken Makhani / 菠菜燴雞或羊 Chicken or Lamb Sagwala / 勁辣咖哩雞或羊 Chicken or Lamb Vindaloo / 腰果濃汁滑雞 Chicken Shahi Korma / 印式香料燴羊肉 Rogan Josh / 椰汁咖哩魚件 Goan Fish Curry / 咖喱牛肉 Beef Curry / *咖喱蝦 Prawn Curry5. 熱盤蔬菜 Vegetabl
食完之後覺得 大家既食評都係真架!!! 呢度係真係好好食呀!!!! 唔係全部團購都衰架
早到左 呢度檯唔多 幾細 但係老闆娘擔張凳仔比我地坐埋一邊等
等左唔係好耐就有位lu~ 不過呢度幾黑....
以下係餐牌
1. 精選例湯 Soup of the day
2. 雜菜沙律 Green salad
3. 小食拼盤 Appetizar set︰
印式雜菜咖哩角 Veg Samosa
香燒春雞 Tandoori Chicken
尼泊爾蒸餃子 Momo
4. 肉類主菜 Main Course (任選 2 款)︰
特色蕃茄雞 Chicken Makhani / 菠菜燴雞或羊 Chicken or Lamb Sagwala / 勁辣咖哩雞或羊 Chicken or Lamb Vindaloo / 腰果濃汁滑雞 Chicken Shahi Korma / 印式香料燴羊肉 Rogan Josh / 椰汁咖哩魚件 Goan Fish Curry / 咖喱牛肉 Beef Curry / *咖喱蝦 Prawn Curry
5. 熱盤蔬菜 Vegetables (任選 1 款)︰
芝士菠菜 Palak Paneer / 果仁咖哩雜菜 Navarattan Korma / 蘑菇青豆 Mushroom Mutter / 瑪莎菈茄子薯仔 Baingan Masala / 燴薯椰菜花Aloo Gobi
6. 印度黃飯 Pullao Rice
7. 各式印度烤餅 Assorted Indian Breads
8. 家常甜品 Dessert
Papadum - 有少少辣 個醬 好辣
精選例湯 - 鹹鹹地 有d薯仔羅蔔青豆 幾好飲 唔會好似好糊仔或者好稀既湯水
所有飲品半價 所以叫左個菠羅汁 同埋奶茶 好香 一擺上檯未斟出黎已經好香 落糖反而浪費左
小食拼盤 - 印式雜菜咖哩角唔似中式既咖哩角 的確如老闆娘所講 係唔辣既 好薯仔feel 香燒春雞有少少乾 不過都ok好入味 尼泊爾蒸餃子係我期待已久既! 個皮比較厚 所以用唔倒 '皮薄涵靚' 呢個字 中間有好多好多salad菜 清甜唔苦!
椰汁咖哩魚件 - 真係好香椰汁味 唔辣啦 d魚炸過下 不過個炸粉唔厚 唔會咬落去一堆粉甘!特色蕃茄雞 - 好多舊雞 但係點naan bread食就椰汁好味d~
燴薯椰菜花 - 唔記得問呢個辣唔辣 點知就係甘好彩好辣!!! 否則會好好味
印度黃飯 - 唔知係燈光問題 定係佢真係唔黃呢? 不過唔緊要啦 記得以前聽過某廚師話其實黃飯只係落左黃粉... 所以顏色都唔係問題 最緊要好味 個飯一粒粒好硬 岩晒我!
印度烤餅 - 每人可以揀一款 有原味 牛油或者蒜味 揀左牛油(左) & 蒜(右)... 但係好似分別不大 我expect會好有蒜味但係冇.... 牛油果個就真係好勁牛油 食完成口都係油~ 最正就係呢個餅點汁食........... 真係好味到可以成碟清晒..........
甜品係雪糕 唔記得係0羊味 不過不失$176兩位真係超值 份量係非常多 忍唔住真係講句點解可以甘抵食????
所有員工態度非常好 唔會因為我買團購而敷衍 對野食有任何問題佢地絕對係細心解釋
就算加半價飲野埋單只係幾廿蚊 老闆娘都多謝前多謝後 仲問下野食點呀好冇味呀? 絕對冇黑口黑面
野食好味 好服務 甘先會吸引d客返轉頭架嘛!
下次就算冇coupon 都會正價再黎食! 強烈推薦!!!!
Post
