磊犇 (Closed)

今日落旺角行下，發現咗喺西洋菜街呢一間新嘅牛扒餐廳，堅排緊長龍，八卦入去睇吓啦，原來係食食燒牛，見過我地，我都係排隊試吓先。排隊都算等得快，等左三個字左右就有得入，原來呢間餐廳係以自助形式，自己買飛，然之後俾錢，再攞個食物電子牌，牛扒準備好就自己去取餐處度拎，全部以自助形式，但都見到有服務，服務員都幾細心解釋俾我聽牛扒點樣寫或者加調味，呢度嘅環境都感覺好舒服！有落單到可以拎餐，大概等左5分鐘左右，服務員話呢度係即叫即切牛扒，所以要我地耐心等候，呢度嘅石燒熱到高達300到，我見原本姍姍地嘅美國牛扒，等多幾分鐘已經食得，熟到可以按個人喜歡，我就鍾意五成熟，石燒好處就係自己可以控制火候，一邊食一邊燒，好過癮！特別一提呢間餐廳嘅牛扒質素有返咁上下，細問原來係大集團嘅分支餐廳，所以牛扒有質素，但以平民價發售，超抵食喎！另外亦都見到好多餐廳用心嘅細心為，估唔到$120嘅牛扒餐，有三款任飲飲品，仲有無限添加嘅日本珍珠米白飯，同埋麵豉湯，其實我覺得呢個價錢真心抵食！