Video
Read full review
2023-03-26
132 views
一直都好鍾意食上海菜，叫返一籠小籠包再加個擔擔麵，已經好飽肚好滿足！呢間餐廳有好多間分店，佢嘅上海菜款式都幾多，主打少油少調味，食落感覺健康啲！餐廳裝修格局都比較似茶餐廳，幾光猛企理，坐得都舒服，而且菜式都好抵食！佢嘅蟹粉系列都好似好吸引，下次再嚟試！------------------------------🍱◖自選涼菜◗ $125可以自己揀五款涼菜，揀咗鎮江水晶肉、美味海蜇、雞絲粉皮、糖醋小排同醉香豬手，尤其鍾意佢個糖醋小排同雞絲粉皮，糖醋小排味道偏甜，而且都幾多肉，仲有少少軟骨部位；雞絲粉皮口感煙韌，個麻醬都好出色！幾鍾意佢個拼盤可以揀幾小碟，可以一次過試晒佢啲小食，啱晒有選擇困難症嘅人！🙈🥟◖鮮肉小籠包◗ $42佢一籠有四粒，包住嘅湯汁好甜，帶有肉香，小心辣口！小籠包外皮就略嫌有少少厚，稍微影響咗佢嘅口感～除咗鮮肉小籠包，仲有蟹粉小籠包可以揀～🍜◖上海擔擔麵◗ $48食上海嘢一定會叫嘅擔擔麵，淨係試佢就可以見真章！湯底黏稠，麻醬同花生醬嘅比例啱啱好，芝麻同花生嘅香味都好濃郁好creamy，有少少辣；麵條係餐廳自家製，爽滑有口感，而且好掛汁！🥬◖上湯浸時菜◗ $55時菜可以揀小棠
------------------------------
🍱◖自選涼菜◗ $125
可以自己揀五款涼菜，揀咗鎮江水晶肉、美味海蜇、雞絲粉皮、糖醋小排同醉香豬手，尤其鍾意佢個糖醋小排同雞絲粉皮，糖醋小排味道偏甜，而且都幾多肉，仲有少少軟骨部位；雞絲粉皮口感煙韌，個麻醬都好出色！幾鍾意佢個拼盤可以揀幾小碟，可以一次過試晒佢啲小食，啱晒有選擇困難症嘅人！🙈
🥟◖鮮肉小籠包◗ $42
佢一籠有四粒，包住嘅湯汁好甜，帶有肉香，小心辣口！小籠包外皮就略嫌有少少厚，稍微影響咗佢嘅口感～除咗鮮肉小籠包，仲有蟹粉小籠包可以揀～
🍜◖上海擔擔麵◗ $48
食上海嘢一定會叫嘅擔擔麵，淨係試佢就可以見真章！湯底黏稠，麻醬同花生醬嘅比例啱啱好，芝麻同花生嘅香味都好濃郁好creamy，有少少辣；麵條係餐廳自家製，爽滑有口感，而且好掛汁！
🥬◖上湯浸時菜◗ $55
時菜可以揀小棠菜、白菜同埋菜心，上湯湯底清甜，加入咗大大粒嘅蒜頭爆香，菜心都煮得啱啱好，吸晒啲湯汁，仲帶有濃郁嘅蒜味，幾好食～
🌟Encore指數：8.5/10
Post
