源祖之味古早蛋糕店 (Closed)

上個星期同屋企人去樂富探親戚同老人家，喺商場行咗個圈，發現呢一個商場同細個都冇乜好大嘅變化，但係裝修就靚咗好多。當我哋去到樂富商場最頂樓嘅時候，就發現咗一間古早味蛋糕舖頭，就決定買兩個去探親戚。原味古早蛋糕 全份 $78我個人係鍾意食原味多啲，原味不過不失，最緊要係好香，小朋友老人家都鍾意食。而且價錢亦都唔算特別貴， $78有一大份。特濃朱古力 全份 $88另外我哋仲買咗一個朱古力，可能小朋友或者女士會比較鍾意，有好香嘅朱古力味，中間夾住brownie，蛋糕比較濕潤，但同時間蛋糕亦都非常之鬆軟，絕對係值得一試嘅味道。