餃掂手工餃子雲吞專門店

約咗朋友去將軍澳睇戲，遇著打風落雨，睇完戲唯有喺商場逛街搵食，經過餃掂手工餃子雲吞專門店，主打多款特色手工餃子，朋友同我都有興趣試吓，於是乎入座去也。軟心芝士煎餃10隻：芝士香濃，餃子煎香外脆內軟，配上粟米和豬肉嘅甜味，層次夠豐富。芹菜豬肉煎餃7隻：新鮮香芹具獨特天然香氣，能有效地提升整體風味，配鮮豬肉口感豐富且不油膩。芫茜豬肉餃7隻跟狀元九鼎湯：芫茜同肉嘅比例啱啱好，芫荽味清香，豬肉鮮甜，每粒餃子都絕對足料，狀元九鼎湯用粉葛、鯪魚、活鰂魚、紅蘿蔔、新會陳皮、蜜棗等熬製，不加味精，味道鮮甜。韮菜餃子7隻湯麵：韭菜鮮香，配鮮甜豬肉，餃子鮮上加鮮，麵條亦好彈牙。蜂蜜檸檬薏米：檸檬薏米能除濕祛熱，利水消腫，可加蜂蜜飲用，味道更佳。