餃掂手工餃子雲吞專門店

今日放工去將軍澳寶琳探朋友，天氣好熱唔想食飯，佢同我去咗商場餃掂食餃子，店舖內地不算大，但乾淨整潔。主打各款特色口味餃子。煎餃、湯餃都有。松茸豬肉餃：名貴的松茸菌香頗濃，有好多食療作用，營養價值非常高!用上松茸作為原材料包餃子，再加上新鮮豬肉，既名貴又美味！點少許松茸醬更惹味。另外配搭一碗無味精九鼎狀元湯，用粉葛、鯪魚、鰂魚、扁豆、赤小豆、陳皮、蜜棗、排骨及紅蘿蔔熬製而成，湯清味醇厚，絕無味精，有益身心，深受食客歡迎！芫荽豬肉餃，餃子餡料結實飽滿，芫茜香，豬肉味濃，口感清香。香煎軟心芝士餃，金黃色的煎餃兩邊都脆脆的，用芝士混合新鮮豬肉和新鮮甜粟米，半溶芝士味濃，熱辣辣可拉絲，和豬肉的味道配搭得好；粟米香甜，必食之選。粟米豬肉餃子麵，豬肉鮮粟米甜，很好的配搭，麵條幼滑，十分美味。