大湯家 (Closed)

呢排屋企太忙，阿媽都好少煮飯，更何況湯水呢， 咁啱收工經過觀塘，見到呢間燉湯店，買碗外賣返去慰勞下自己， 滋潤一下。呢排成日捱夜，飲碗燉湯滋潤下，對自己好啲， 人都冇咁容易病。一碗燉湯大概五十零蚊， 其實都唔算太貴，因為乜乜堂擺雪櫃嗰啲一包包湯都要呢個價錢。 而且仲冇咁足料添，呢一個花旗參烏雞排骨燉湯 ，材料都幾豐富，因為眼見嘅材料都有唔少，除咗花旗參，烏雞，排骨之外，亦有圓肉同杞子，仲有唔少藥材。飲落有 花旗參嘅甘味，但唔係太苦，亦有烏雞同排骨嘅鮮甜， 飲落好滋潤暖胃， 而且烏雞非常有營養， 脂肪唔多，飲起嚟嘅油亦都比較少，對於女仔嚟講非常適合。