林記小食

Open Now

Now Closed

今日去完拜神，啱啱經過次次都想試嘅林記，今日唔算多人排隊，等咗大概10分鐘。順便買外賣返屋企食，買左一份腸粉，魚蛋，燒賣。返到屋企（大概半個鐘），啲腸粉燒賣魚蛋仲係好有味道，腸粉好滑，而且有彈性，一啲都冇爛！燒賣亦都好彈牙，燒賣皮亦都真材實料，見到佢哋喺店後即時做，感覺新鮮，環境亦衛生。下次想試埋紅腸，不過紅腸腐皮卷等等都要等大約10分鐘先煮好，所以今次冇買到。下次排緊隊嘅時候，睇吓可唔可以同佢哋嗌定，咁到我嘅時候就唔使等咁耐啦。