好到底水餃雲吞麵

Open Now

Now Closed

每年過年前都會去元朗花場揀選年花，並順道搵食。今年就搵到一間傳統口味嘅雲吞麵舖「好到底水餃雲吞麵」，搭港鐵朗屏站出，行到安寧路就見到，非常方便。 店舖簡潔乾淨，地方寬敞坐得舒服。我哋叫左好幾款小食和麵食，都值得推介👍👉牛腩蘿蔔 牛腩唔靱炆得夠香又夠淋，蘿蔔清甜冇渣👉淨雲吞（細）皮薄，雖然唔算大粒，但都有整隻蝦，咬落彈牙👉淨水餃（細） 我嘅至愛😋饀料有大蝦、木耳、豬肉等，食落爽脆彈牙，水餃係用燕皮包嘅所以煙煙靱靱好有咬口，再加上即叫即煮，所以口感特別好👍👉炸鯪魚球拼炸雲吞又係即叫即做，用新鮮鯪魚肉炸成，甘香彈牙，配合蜆介醬一齊食，另有一番風味，炸雲吞也不瞬息，同樣酥脆香口👉炸醬撈麵（細） - 蝦子麵彈牙，冇鹼水味，撈埋惹味嘅香辣炸醬，好食到停唔到口，另外跟撈麵嘅湯都不能錯過，聽老闆講是用豬骨和大量鮮魚熬成，所以特別香濃兼帶有大地魚香，飲哂都冇口乾，超正👍 呢度除咗食物好食之外，都要讚吓侍應們服務態度非常親切👍