Video
Read full review
2024-06-04
37 views
又係辣妹食辣嘅時間～～星期五出街食多人 外賣返屋企食最啱✔️天花頂酸菜魚套餐 魚片份量超多 我唔識分咩魚 但食落個口感比較結實 個湯飲落唔會死咸 重酸菜味 撈飯一流 ✔️獨門秘製麻辣豬手套餐 有成8大件豬手 炆到好淋 厚厚嘅豬皮吸返啲汁 好味得嚟 感覺仲要係吸收緊骨膠原 個汁夠濃味，但唔會話超級辣呢兩個套餐仲包埋小食一個係麻辣牛腱、另一個係涼拌土豆絲麻辣牛腱用咗少少黑醋作為醬汁 而且好厚切土豆絲夠晒爽口 做開胃菜一流另外仲有甜品就係炸鮮奶外層酥酥脆脆 裏面就係流心嘅鮮奶 唔會話好甜 口感一流✔️藤椒湯米線配豚肉片、牛百葉、大蝦、萵筍、豆皮、金菇 呢個係自選海鮮麻辣燙 不過驚麻辣太勁，我就揀咗藤椒湯 份量都超級多 冇估到大蝦都有三隻 主食其實仲可以揀出前一丁/手打麵/寬薯粉 葷菜同素菜各選三款 鍾意多款式或者多菜嘅朋友 呢個係一個好好嘅選擇✔️黃金脆炸小酥肉 呢個肉真係好惹味 配埋個辣粉送啤酒一流店員好nice 見我買咁多 拎外賣嘅時候都提醒我好重要小心拎
又係辣妹食辣嘅時間～～星期五出街食多人 外賣返屋企食最啱
✔️天花頂酸菜魚套餐
魚片份量超多 我唔識分咩魚 但食落個口感比較結實
個湯飲落唔會死咸 重酸菜味 撈飯一流
✔️獨門秘製麻辣豬手套餐
有成8大件豬手 炆到好淋 厚厚嘅豬皮吸返啲汁
好味得嚟 感覺仲要係吸收緊骨膠原
個汁夠濃味，但唔會話超級辣
呢兩個套餐仲包埋小食
一個係麻辣牛腱、另一個係涼拌土豆絲
麻辣牛腱用咗少少黑醋作為醬汁 而且好厚切
土豆絲夠晒爽口 做開胃菜一流
另外仲有甜品就係炸鮮奶
外層酥酥脆脆 裏面就係流心嘅鮮奶
唔會話好甜 口感一流
✔️藤椒湯米線配豚肉片、牛百葉、大蝦、萵筍、豆皮、金菇
呢個係自選海鮮麻辣燙
不過驚麻辣太勁，我就揀咗藤椒湯
份量都超級多 冇估到大蝦都有三隻
主食其實仲可以揀出前一丁/手打麵/寬薯粉
葷菜同素菜各選三款
鍾意多款式或者多菜嘅朋友 呢個係一個好好嘅選擇
✔️黃金脆炸小酥肉
呢個肉真係好惹味 配埋個辣粉送啤酒一流
店員好nice 見我買咁多
拎外賣嘅時候都提醒我好重要小心拎
Post
