有鑊氣-酸菜魚 (大全街)

Open Now

Now Closed

近年好喜歡嘅中菜館之中，平靚正之選。今日同屋企人黎食，個個都大讚。江南四小拼 - 每款份量唔算好好，但可以同時試到四款江南小食，不錯～有爽脆海蜇頭、川味口水雞、宮廷一口脆（醃蘿蔔）同鮮沙薑豬手。冰鎮咕嚕肉 - 黎呢度真係唔可以唔食呢道菜。冰鎮後嘅令外層非常脆口，炸粉厚度適中，咬落仍然熱辣辣。伴碟嘅青提同青椒提升整體清新感。老壇酸菜魚 - 可以揀叫鱸魚或桂花魚，有你例牌或大份揀。我地叫左一份鱸魚例牌。酸菜湯底味道一流，魚片好滑，無乜骨。配菜仲有芽菜、椰菜花同煙靭寬粉。生炒臘味糯米飯 - 炒得夠乾身，唔會覺得油冧冧。臘腸、膶腸、蝦米、花生粒⋯好香口。大澳蝦膏通菜炒鮮魷 - 以蝦膏炒，聞到已經流口水，食落都好惹味，鮮魷好爽脆。