Video
Read full review
2023-04-12
2311 views
年幼時家住葵芳，想當年葵芳有兩大酒樓，一間叫"好爵"，另一間就係"醉瓊樓"! 好爵雖然係中式酒樓但好奇怪地下有個西餐外賣部，我超級懷念佢地嘅漢堡包同營光汁吉烈豬扒飯，宇宙最強!醉瓊樓亦經常幫襯，因為外公係嚇瓜人，入嚟探孫仔時就帶我地一家人上醉瓊樓食客家菜.依家? 葵芳嘅好爵同醉瓊樓老早已經失去蹤影，但一直想去其他地區嘅醉瓊樓幫襯.今次因為幫客人睇風水+占卜問事去咗佐敦，完成後就過嚟醉瓊樓開餐!未推門入內，先欣賞吓書法字体嘅招牌店名，醉瓊樓三隻字，回憶萬千!一推入門，環境充滿老香港味! 樓下座位唔多，但原來樓上有大把位，係另一個世界!打開 Menu 心水多多但肚腩空間唔多，美女侍應劉小姐推介下點咗個套餐，有糊椒白果豬肚湯，紅燒釀豆腐同清炒時菜，最大期望係梅菜扣肉同金牌鹽焗雞.劉小姐係醉瓊樓工作多年，為人風趣又熱情，要出文讚吓先!飲豬肚湯總係要加糊椒粉，更加惹味.同街邊果D撻小小魚肉就叫釀豆腐嘅劣質貨相比，枱上哩碟釀豆腐嘅魚肉足料得多，而且豆腐軟滑，只係魚肉上無加上鹹魚，外公教我地整釀豆腐，魚肉豬肉要加入鹹魚先正宗!當然要用靚鹹魚啦!鹽焗雞過火咗少少，有少少柴口.梅菜入味送飯一流，扣肉入口
醉瓊樓亦經常幫襯，因為外公係嚇瓜人，入嚟探孫仔時就帶我地一家人上醉瓊樓食客家菜.
依家? 葵芳嘅好爵同醉瓊樓老早已經失去蹤影，但一直想去其他地區嘅醉瓊樓幫襯.
今次因為幫客人睇風水+占卜問事去咗佐敦，完成後就過嚟醉瓊樓開餐!
未推門入內，先欣賞吓書法字体嘅招牌店名，醉瓊樓三隻字，回憶萬千!
一推入門，環境充滿老香港味! 樓下座位唔多，但原來樓上有大把位，係另一個世界!
打開 Menu 心水多多但肚腩空間唔多，美女侍應劉小姐推介下點咗個套餐，有糊椒白果豬肚湯，紅燒釀豆腐同清炒時菜，最大期望係梅菜扣肉同金牌鹽焗雞.
劉小姐係醉瓊樓工作多年，為人風趣又熱情，要出文讚吓先!
飲豬肚湯總係要加糊椒粉，更加惹味.
同街邊果D撻小小魚肉就叫釀豆腐嘅劣質貨相比，枱上哩碟釀豆腐嘅魚肉足料得多，而且豆腐軟滑，只係魚肉上無加上鹹魚，外公教我地整釀豆腐，魚肉豬肉要加入鹹魚先正宗!
當然要用靚鹹魚啦!
鹽焗雞過火咗少少，有少少柴口.
梅菜入味送飯一流，扣肉入口即溶，豬肉部位有少少乾身柴口.
店內有部人手操作嘅細升降機，係樓上樓下傳遞餸菜用，到達時發出舊款電機嘅響聲，響到成間店都聽到!
但哩種懷舊聲音好懷念，同醉瓊樓老香港味超夾，湧現不少兒時回憶!
白果豬肚湯
41 views
2 likes
0 comments
上：梅菜扣肉 / 下：鹽焗雞
41 views
0 likes
0 comments
紅燒釀豆腐
72 views
0 likes
0 comments
清炒通菜
47 views
0 likes
0 comments
Post
