金牌小龍 (Closed)

今日去開尖沙咀購物去到地鐵站附近想食下上海野，就去咗呢間在iSquare比較出名嘅金牌小龍食嘢了。一打開餐牌就有唔同類型嘅上海菜揀，一於樣樣都叫啲先。醉雞首先叫咗個醉雞食下當是前菜。估唔到唔錯喎，味道方面，醉雞非常之入味，淡淡酒香味融入了在雞肉之中，啖啖肉，很不錯的。金牌小籠包/蟹黃小籠包到左佢哋嘅招牌菜小籠包了。由於佢哋嘅小籠包實在太好食啦，所以兩個人叫咗兩大籠。我哋首先食咗比較淡味食金牌小籠包先，味道方面肉味非常之香非常濃厚。蟹黃小籠包方面，裡面真係有蟹肉的，還有很濃郁的蟹香味，又不大咸，不太油，很不錯的。紅燒牛肉麵湯底非常之足料，有一大碗的，熱辣辣好味道。牛肉夠晒厚切，味道夠晒濃厚，加上少少辣味，啖啖肉好味道。拉麵方面，麵質好好唔太軟亦都不太硬，正！台式炸雞髀湯麵最後還叫了一樣好味道既台式炸雞髀湯麵，即叫即炸又新鮮又香口！等我下次再嚟銅鑼灣嘅時候食埋佢其他嘢先！