Video
Read full review
2022-06-01
503 views
話說今日工人姐姐經過依間餐廳，見到好多人嗌外賣，即刻攞咗張傳單返嚟俾我哋，知我地喂食睇左食評咁我哋三個人就落去食，嗌咗一個蝦醬炒飯，炒寬粉，炸蠔餅，馬拉盞通菜，串燒拼盤，生蝦第一款到既系炸蠔餅，我坐嗰個位係啱啱好可以睇到廚房即刻炸嗰個蠔餅勁新鮮😍好多飯蠔系入，d蠔吾臭吾腥，好好味啊😚不過一定要即刻食晒佢，如果唔係好快佢就會林晒，就會覺得好油架啦！第二款就係蝦醬炒飯，一擺到落黎，即刻哇左出黎😂真系好大份超抵食，4人食都得，味道鹹淡適中，都有好多肉鬆同埋腸仔喺上面，炒飯唔會黐埋一舊，粒粒分明出色！好推薦大家食再嚟就係炒寬粉，佢比我嘅感覺係廣東腸粉攤開拎咗去炒咁樣，個面系好有彈性，佢係我第一次食泰國嘢食到嘅新品，因為個人認為都屬於比較偏門少少，平時見開都係炒金邊粉或者河粉，雖然味道都好不錯，我唔係幾鍾意呢種粉，但味道系好食的，鐘意依種粉既朋友可以試試生蝦同埋串燒拼盤終於到咗🤭生蝦新鮮連埋蒜頭同埋辣椒食個汁好正，食唔到辣嘅朋友千祈唔好食佢粒辣椒，會噴火🥵串燒拼盤好值得一讚，無論係肉嘅質地同埋肉嘅調味仲有沙嗲個醬汁，都係非常之出色，入面有六吋，兩雞兩牛兩豬，嗰兩串豬肉燒完之後口感竟然仲可以保留好
睇左食評咁我哋三個人就落去食，嗌咗一個蝦醬炒飯，炒寬粉，炸蠔餅，馬拉盞通菜，串燒拼盤，生蝦
第一款到既系炸蠔餅，我坐嗰個位係啱啱好可以睇到廚房即刻炸嗰個蠔餅勁新鮮😍好多飯蠔系入，d蠔吾臭吾腥，好好味啊😚不過一定要即刻食晒佢，如果唔係好快佢就會林晒，就會覺得好油架啦！
第二款就係蝦醬炒飯，一擺到落黎，即刻哇左出黎😂真系好大份超抵食，4人食都得，味道鹹淡適中，都有好多肉鬆同埋腸仔喺上面，炒飯唔會黐埋一舊，粒粒分明出色！好推薦大家食
再嚟就係炒寬粉，佢比我嘅感覺係廣東腸粉攤開拎咗去炒咁樣，個面系好有彈性，佢係我第一次食泰國嘢食到嘅新品，因為個人認為都屬於比較偏門少少，平時見開都係炒金邊粉或者河粉，雖然味道都好不錯，我唔係幾鍾意呢種粉，但味道系好食的，鐘意依種粉既朋友可以試試
生蝦同埋串燒拼盤終於到咗🤭生蝦新鮮連埋蒜頭同埋辣椒食個汁好正，食唔到辣嘅朋友千祈唔好食佢粒辣椒，會噴火🥵串燒拼盤好值得一讚，無論係肉嘅質地同埋肉嘅調味仲有沙嗲個醬汁，都係非常之出色，入面有六吋，兩雞兩牛兩豬，嗰兩串豬肉燒完之後口感竟然仲可以保留好多汁水，一啲都唔係平時嘅燒到乾柴咁！我差啲以為自己食緊雞串！😆
牛肉佢嘅調味有少少似我哋平時食嘅牛肉乾，好正啊 個邊仲有少少🤏蕉脆感🤭雞肉串都ok好嫩滑，但推薦豬同牛多d
最尾食晒啲嘢好飽先發現原來仲有個馬拉盞通菜，炒出嚟新鮮滾熱辣超好食，啲通菜係好嫩，唔係又老又粗又乾個種！
8 views
0 likes
0 comments
Post
