美味的泰國菜餐廳 (Moved) New Location

今日中午呢繼續喺深水埗覓食，咁就搵到呢一間泰國餐廳啦，咁我見個侍應呢都係泰國人嚟嘅，感覺覺得好似唔錯就入咗去坐啦咁我就叫咗呢個雞肉炒金邊粉啦，咁咪炒得幾香嘅有少少甜甜地又泰國嘅風味，都算係十分之好食。而且$60呢個價錢，我覺得絕對物有所值啦，仲要包埋一杯泰式檸檬茶添！絕對推介推介大家嚟食呀。

我諗我食咗呢間泰國餐廳不少於20次😂 多數都係食午市嘅，鍾情佢嘅冬陰功金邊粉或者豬肉船河。 最喜歡嘅係佢無論門面又或者係廚房都係由泰國人士主理，味道亦都好似喺泰國當地地道嘅餐廳咁，唔會話特別為咗香港人而改口味，真正保留住泰國嘅風味。午市冬陰功金邊粉包一杯飲品68蚊冇加一， 冬陰功湯底好濃厚，感覺同散叫一碗湯嘅感覺一樣，另外仲有幾隻蝦，大量肉碎芽菜，仲有隻煎太陽蛋😋 每次冇乜胃口或者宿醉之後就特別喜歡過嚟食呢一碗粉，食完好開胃😂

Intro: 呢一間隱世泰國小店真係番工嘅食堂，好多餐都係即叫即炒，仲會送埋泰式奶茶/檸檬茶，不過位置同人手比較少，有時放lunch會好快無位。___________________🍽 辣肉碎煎蛋飯💰 58 （送凍泰式奶茶）⭐️9/10✍🏻 正常坊間嘅肉碎煎蛋飯都係預先準備，但呢到係會即叫即炒，所以黎到嘅時候會喺熱辣辣咁食；✍🏻呢到嘅肉碎炒得好惹味，仲帶點辣，連埋豆角辣椒同埋九層塔一齊炒，好適合撈飯；✍🏻 肉碎煎蛋飯最緊要係隻蛋，至於今次嘅蛋就比較熟，冇乜好靚嘅流心效果；✍🏻 整體份量偏多，足夠一個男人嘅份量。___________________🏠 imaroi thaifood no.21📍 深水埗營盤街118號⭐️ 9/10___________________

Intro: 長沙灣深水埗一帶有好多隱世嘅細舖，今次再試呢到嘅炒飯，今次就試左賣相好吸引嘅豬頸肉炒飯，只係貴少少，但都只係60蚊，但呢到開店時間好唔同，而且店內位置少，食唔食到就睇下好唔好彩啦～___________________🍽 豬頸肉炒飯 ⭐️8.5/10💰 63（包凍飲）✍🏻 食得出係燒嘅豬頸肉，黎到嘅時候聞到幾香，大約有8塊豬頸肉；✍🏻 每塊豬頸肉都好厚肉，肉汁夠容易咬開，再沾特制酸汁，特別地道；✍🏻 炒飯炒得粒粒分明，今次炒得偏乾身，個人最愛，而配料有豆角、蛋碎、少洋蔥同香料；🍹凍泰式檸檬茶 ⭐️8/10💰 +0 （包凍飲）✍🏻 泰式檸茶嘅茶底係特別嘅甜；✍🏻 雖然無香港嘅甜澀味，但飲到獨有嘅檸檬味同更香嘅茶葉味，而整體甜度岩岩好。___________________🏠 Imaroi thai foods📍 深水埗元州街213號美居中心2座地下21號舖⭐️ 8.5/10 （thai food)___________________

朋友住附近成日食推介話要食既泰國餐廳今次終於食到喇！好地道嘅泰國小店位唔多但夜晚都坐滿的泰式炒寬粉炒得有鍋氣！粉又有Q彈感好好食😋！泰式船面呢個更出色 好有驚喜 金邊粉軟度煮得剛好香濃既泰式湯 香料配菜都夠但又唔會覺得係合成味 只係辣左少少 明爐泰式烏頭但今日冇烏頭轉左鰂魚但魚肉都好滑嫩 但個人覺得湯唔夠酸

收工約咗住深水埗朋友去食飯，大約晚上6點見到有間细細間泰國餐廳，睇吓門口餐牌，價錢好抵食，又見到店內全部泰國人主理，又唔使等位，一於試吓，餐廳環境細，大約150尺，有大約四張四人枱，全部摺檯及圓凳，裝修簡單整潔。冬蔭功湯（細碗$ 69）冬陰功湯好足料熱辣辣，入邊有六至七隻蝦，蝦都好大隻，有兩至三種不同菇類，配合：辣椒辣味、青檸酸味、香茅、蕃茄、椰香及乾蔥頭等配料，味道十分好，飲完好開胃，正宗泰國冬陰功湯口味，兩個人都分到兩大碗。綠咖喱配雞肉及白飯 $59（可以配豬肉、雞肉及牛肉），（額外可以選以下其中一樣：白飯、薄餅或蒜蓉包）綠咖喱唔辣並帶甜味，清新可口，雞肉嫩滑，雞肉份量都有七至八件，好足料配合蔬菜、矮瓜、長青豆，綠咖喱汁送飯絕配。馬拉盞炒通菜 $52，正常馬拉盞味道，唔太鹹。串燒拼盤 $79，六串（豬、牛及雞），串燒火候適中，唔會太乾，保留到肉汁，一小碟沙嗲醬味道香濃，少少椰香味及少少花生碎，完全泰國味道。飲品：椰青$38，新鮮清甜。青檸梳打$25，青檸及糖漿甜味適中，正常味道。環境及餐枱，座椅普通，但以這個價錢食到泰國菜，由泰國人處理的正宗味道，十分抵食，我第一枱客入座後，大概3

收工都九點半多,想搵嘢都唔係好多選擇,同事帶我去咗一間唔起眼舖頭細細嘅泰國菜館食😋👉串燒拼盤叫佐半打,雞,牛,豬,各2串....豬肉燒完之後口感一啲都唔係乾柴柴,仲可以保留肉汁🤤牛肉佢燒到連個邊仲DD燒焦脆感,好香口 😋雞肉串都燒得好香好嫩滑, ,淡淡的炭香味,連同D沙嗲醬汁真係好正丫🤤🥢馬拉盞炒通菜, 炒出嚟熱辣辣連同馬拉盞嘅惹味,我哋好快K0佐碟通菜👍🥢泰式炒寬粉(豬肉)感覺很有泰國特色的寬粉,炒出嚟夠濕潤不會太乾,寬粉似寬嘅河粉好薄好滑,意料之外嘅好味,略嫌細碟咗啲😅真係好正宗泰國地道style!

經常都去深水埗的我，現在才知道有這店，店舖雖小， 但每個細節都有着泰國色彩！ 店主是泰國人， 食住野聽他們說泰文， 感覺更似去了泰國！ 食物有水準， 樣樣都色香味， 價錢又貼地，menu 上所有我都想食，食了一次忍不住第二天又去， 我花了連續兩日去，但因為得2人一次不能叫太多 ， 所以都未試食完，當中還有其他款沙拉我必須要食，留返下次再去！😻😻😻😻😋😋😋😋😋😋😋😋😋😋😋😋😋😋😋😋😋😋

Intro: 長沙灣深水埗一帶有好多隱世嘅細舖，舖位比較少位，呢一間主打泰菜，set lunch大約60蚊內，有差唔多成12個餐揀～老闆都似係地道嘅泰國人，而今次就選擇左食蝦醬炒飯！___________________🍽 蝦醬炒飯 ⭐️8.5/10💰 55 （包凍飲）✍🏻 賣相好吸引，有太陽蛋、肉鬆、青瓜蕃茄仔，同埋炒飯都加左豆角去炒✍🏻 炒飯炒得粒粒分明✍🏻 每啖炒飯都好淡淡嘅蝦醬味，但就炒就冇咁乾身，可能泰式炒飯係偏濕身🍹凍泰式奶茶 ⭐️8/10💰 +0 （包凍飲）✍🏻 泰式奶茶嘅茶底係特別嘅香甜✍🏻 奶茶落嘅奶嘅甜味港式嘅更突出✍🏻 而整體甜度岩岩好___________________🏠 Imaroi thai foods📍 深水埗元州街213號美居中心2座地下21號舖⭐️ 8.5/10 （thai food)___________________

10點鐘夜媽媽搵野食，行過見到呢間泰國小店，一於去試下店面唔大，大概3張4人枱，企企理理，鋪頭播住泰文歌，掛住啲泰國人相，店員全部係泰國人，好似真係去左泰國咁坐低叫左一個蝦金邊粉，一個金不換炒辣肉碎配白飯加煎蛋，沙嗲雞串，豬串，燒雞翼各一，再加左杯芒果沙冰同泰式奶茶。泰式奶茶同港式奶茶唔同，有陣淡淡嘅香草香料味，但又無印度拉茶咁重味，多左層次又唔會太過濃郁，特別又好飲芒果沙冰就應該係用芒果糖水整嘅，好似舊時細個食嘅果啲雪條味，都幾懷念個辣肉碎就幾啱香港人口味，清香嘅金不換加上微辣嘅豬肉碎，少少豉油蠔油，咸甜適宜，加隻脆邊煎蛋，送飯一流蝦金邊粉應有嘅都有，不過佢既味道無其他鋪頭咁濃重，適量嘅酸甜味唔會令人覺得好膩，我地2個人食到隻碟乾乾淨淨到個串燒同雞翼，意料之外嘅好味雞串同豬串都好juicy、好腍，表面仲甜甜地，做到蜜汁串燒咁；而雞翼就多左陣焦香，好有風味食完大滿足，埋單200蚊都唔使，呢餐宵夜食得好滿意題外話：可能店面較細，好多人叫外賣，咁啱有個客人拎完外賣返返轉頭，問店員拎多1個外賣碗得唔得，泰國姐姐最後俾左2個佢，錢都唔收仲問夠唔夠，好有人情味

美居中心多野食應該好多人都知今次就揾到呢間隱藏既泰國美食🤣就咁睇個餐廳名可能會覺得好搞笑😆但原來真係名符其實既美味的泰國餐廳除左係泰國人開之間, 味道同菜式都好正宗🤣餐廳鋪面唔算太, 大約坐到20人左右當日明明落大雨, 但我地一路食, 出面都keep 住有人問有無位, 同埋好多外賣單而我地因為太想泰國, 所以都主要嗌返d泰國特色菜冬蔭功湯🍲🍤香料味勁重, 而酸辣程度適中, 海鮮勁足料就算唔太食得辣的我都接受到😌因為我地4個人食, 所以就叫左個大size 平均每人都可以飲到1碗幾🤣泰式大炒金邊粉係泰國的味道, 好多花生碎, 勁似泰國街邊即炒個d金邊粉串燒拼盤🍢不過不失的串燒拼盤, 有齊豬, 牛, 雞有淡淡的炭香味, 肉汁配埋沙嗲汁正宗泰式烤魚🐟🐟🐟真係勁正宗! 勁正宗! 勁正宗! 一揭開塊皮就係勁滑溜既魚肉, 魚肉唔”鞋”, 勁多肉汁, 加埋d泰式醬汁, 勁開胃芒果糯米飯芒果係甜既😂雖然份量唔多, 但椰汁味好濃, 份量岩岩夠唒全份芒果糯米飯

話說今日工人姐姐經過依間餐廳，見到好多人嗌外賣，即刻攞咗張傳單返嚟俾我哋，知我地喂食睇左食評咁我哋三個人就落去食，嗌咗一個蝦醬炒飯，炒寬粉，炸蠔餅，馬拉盞通菜，串燒拼盤，生蝦第一款到既系炸蠔餅，我坐嗰個位係啱啱好可以睇到廚房即刻炸嗰個蠔餅勁新鮮😍好多飯蠔系入，d蠔吾臭吾腥，好好味啊😚不過一定要即刻食晒佢，如果唔係好快佢就會林晒，就會覺得好油架啦！第二款就係蝦醬炒飯，一擺到落黎，即刻哇左出黎😂真系好大份超抵食，4人食都得，味道鹹淡適中，都有好多肉鬆同埋腸仔喺上面，炒飯唔會黐埋一舊，粒粒分明出色！好推薦大家食再嚟就係炒寬粉，佢比我嘅感覺係廣東腸粉攤開拎咗去炒咁樣，個面系好有彈性，佢係我第一次食泰國嘢食到嘅新品，因為個人認為都屬於比較偏門少少，平時見開都係炒金邊粉或者河粉，雖然味道都好不錯，我唔係幾鍾意呢種粉，但味道系好食的，鐘意依種粉既朋友可以試試生蝦同埋串燒拼盤終於到咗🤭生蝦新鮮連埋蒜頭同埋辣椒食個汁好正，食唔到辣嘅朋友千祈唔好食佢粒辣椒，會噴火🥵串燒拼盤好值得一讚，無論係肉嘅質地同埋肉嘅調味仲有沙嗲個醬汁，都係非常之出色，入面有六吋，兩雞兩牛兩豬，嗰兩串豬肉燒完之後口感竟然仲可以保留好

估唔到呢間餐廳可以叫做美味的泰國菜餐廳，真係一定要試吓！今次我哋係下午時段過到去，全部菜式都係50幾蚊左右，非常之抵食！今次我就叫咗呢個泰式炒闊粉！再配埋海鮮，呢度嘅闊河粉好好食，薄薄地，非常之有彈性！而且加埋吵得非常之有鑊氣香口，所以好好食！海鮮亦都好充足，我好鍾意食呢度嘅蝦肉同埋魷魚，好爽口！

講起泰國菜總想起九龍城，今日要講講長沙灣呢間擺盤精繳、價錢又親民泰菜小店午餐$50-$55左右仲要奉送特飲，呢個價錢去邊搵供應時段：（一至六）12:00-3:00 菠蘿沙冰$28沙冰打得好細滑，飲到啖啖天然菠蘿嘅香甜味，值得一試！泰式奶茶 跟餐送傳統用chatramue 茶葉沖製而成，甜度適中！小食拼盤 $108（炸蝦餅、雞翼、春卷、炸雞捲）擺盤精美，熱辣辣脆卜卜！泰式炒寬粉 （海鮮）$55 寬河粉薄薄有彈性，海鮮好足料，蝦肉爽口、魷魚唔韌 整碟唔覺油膩芒果糯米飯$48糯米飯搓成一個飯團仔，糯米飯比出面的黏糯，帶點斑蘭味，好味芒果就一定要用番水仙芒先合格！香蕉煎餅$48一般煎餅餡料會夾在中間，呢個就放係上面再淋上朱古力醬，唔同嘅係呢個口感係會薄脆好多

平日行開呢間美味的泰國菜餐廳都見到好多人食，雖然店舖細細間，得幾張檯仔，但成日都坐滿人，莫非真係咁美味，一於試過先知。 呢間餐廳係正宗泰國人主理，連啲職員都係泰國人，牆上都貼咗泰皇嘅照片，好似去咗泰國咁。 泰式大蝦炒金邊粉用個蛋網包住啲金邊粉，賣相相當吸引，大蝦爽口，味道甜中帶酸，再加少少青檸汁，加埋啲香脆花生，充滿住泰式風味。 炸蝦餅夠熱燙口，咬落去仲有煙出，蝦餅炸得金黃香脆，爽口彈牙。 燒豬頸肉真係必點㗎， 肉質好爽脆，亦有焦香，再配埋個泰式酸辣汁無得輸。 泰式沙嗲串燒係每次食泰國菜必點嘅菜式，豬牛雞各點咗一串，表面微焦，加埋啲沙嗲醬，真係非常滋味。 黃咖喱啱晒我呢啲唔食得辣，但又想品嚐下咖喱滋味嘅人去點，今次揀咗雞，有濃濃嘅咖哩香同椰香，配菜薯菜夠粉夠入味，淨係撈啲汁都可以食多兩碗飯啦。