Video
Read full review
2007-02-15
16 views
情人節大日子, 唸住同男朋友試o下呢間聞名o既蠔吧.所以一早book定位.去到o既時候先發現原來我o地唔係坐地面果層,而係落旁邊樓下o既小小corner開餐.落到去,環境睇o黎都唔錯, 好似開私人party o既地方,有個酒吧仔,又有幾張台.成晚o係呢個corner 位總共坐到3台人(3對情侶).一坐低waiter就放低o左個蔬菜小食(有西芹,青瓜,蕃茄同蘿蔔條),兩片蒜蓉包,同埋兩碗蘑菇湯.小食幾新鮮, 但蘑菇湯凍凍o地而且太鹹.好喇,到叫餐o既時候.之前book o左叫一個$688 o既情人節餐, 有生蠔8隻,翡翠螺2隻,甜蝦2隻,扇貝及赤貝,海膽一版同法國膏蟹一隻.唸住淨係食生o野都未必夠o既,仲打算食完再叫.點知一開始食就好失望.- 甜蝦唔夠凍,但係炸o左o既蝦頭就凍晒.- 扇貝同赤貝都冇鮮味,味道普通- 海膽有腥味,質感還可以,但仍然係唔夠新鮮.好似平時o係日本餐廳嗌果d- 翡翠螺我冇食,但係男朋友話好多沙- 生蠔個肥姐姐waitress(佢幾好人)話由淡到濃開始食,都有海水味,但都係唔夠新鮮唔夠凍.雖然係食得出唔同品種,但係一d都唔特別,好似自助餐果d咁- 隻法國膏蟹好似凍
去到o既時候先發現原來我o地唔係坐地面果層,而係落旁邊樓下o既小小corner開餐.落到去,環境睇o黎都唔錯, 好似開私人party o既地方,有個酒吧仔,又有幾張台.成晚o係呢個corner 位總共坐到3台人(3對情侶).
一坐低waiter就放低o左個蔬菜小食(有西芹,青瓜,蕃茄同蘿蔔條),兩片蒜蓉包,同埋兩碗蘑菇湯.小食幾新鮮, 但蘑菇湯凍凍o地而且太鹹.
好喇,到叫餐o既時候.之前book o左叫一個$688 o既情人節餐, 有生蠔8隻,翡翠螺2隻,甜蝦2隻,扇貝及赤貝,海膽一版同法國膏蟹一隻.唸住淨係食生o野都未必夠o既,仲打算食完再叫.點知一開始食就好失望.
- 甜蝦唔夠凍,但係炸o左o既蝦頭就凍晒.
- 扇貝同赤貝都冇鮮味,味道普通
- 海膽有腥味,質感還可以,但仍然係唔夠新鮮.好似平時o係日本餐廳嗌果d
- 翡翠螺我冇食,但係男朋友話好多沙
- 生蠔個肥姐姐waitress(佢幾好人)話由淡到濃開始食,都有海水味,但都係唔夠新鮮唔夠凍.雖然係食得出唔同品種,但係一d都唔特別,好似自助餐果d咁
- 隻法國膏蟹好似凍o左o既大閘蟹咁.d膏都ok,但係蟹身就普普通通
我o地另外再嗌o左杯提子梳打同一件芝士蛋糕.食完果時明明個肥姐姐問"甜品你o地唸住叫o羊呢,有xxx,xxx同芝士蛋糕揀".我仲唸住係包埋個甜品o既,點知埋單一睇,仲係要俾錢.
一個Seafood Platter,一件芝士蛋糕同一杯無酒精飲品,埋單加埋一差唔多$900蚊.以咁o既價錢我真係可以有更加多好好多o既選擇(之前o係灣仔食果間蠔好好多,仲平d...)雖然服務真係好好(個老細樑哥整親隻手都仲熱情招呼d客,waiter們亦好盡責,成日o黎幫我o地換碟收o野),不過去食一餐飯,始終食物o既質素係最緊要.所以唯有講句,下次不會再幫襯.
Post
