BluHouse

Open Now

Now Closed

話說之前閨蜜幫我慶生🎂，佢叫我自己揀地方，我就揀咗呢間一直想試好耐嘅人氣餐廳 (所以期望都好高)。餐廳位於酒店地下，環境闊落，除咗main dining hall，仲有幾個counters賣不同食物，所以成晚都有唔少客嚟買takeaway。我倆都係無酒不歡，所以第一時間當然要開支白酒先😜。食物方面，我們點了八爪魚沙律🐙、four cheese pizza 🍕 、蜆肉意粉🍝、烤豬肉同埋tiramisu。八爪魚沙律算係最impressive的一道菜，肉質keep都彈爽口彈牙感覺且有少許鮮甜味。至於pizza，唔算難食的，邊位有少少脆，但芝士味就唔夠香濃。嚟到意粉，呢樣係令我哋覺得頗失望的，過鹹之餘意粉texture一啲都唔al dente，煮到偏淋☹️ 烤豬肉同我哋預想嘅有出入，expect個皮係會脆脆地，但又係淋的，味道就還可以，但肉質偏嚡。最後個tiramisu係香滑的，如果可以加重返咖啡味會更好 (唔記得影相)。總括來說，香港仲有其他性價比更高嘅意大利餐廳選，但呢度嘅環境同服務係不錯的。