Video
Read full review
2017-09-15
1710 views
朋友生日飯食沖繩野，裝修好有日本feel同fit 晒居酒屋格局，好多日本擺設同埋日本酒（飲得架，如果有order 佢地會係你面前潷酒）。個人覺得坐吧枱比較有feel。野食都好多選擇，全部小碟上菜（所以依度岩2/3個人黎食）。個人推介：1. 海葡萄其實係一種海洋生物，海草d friend, 因為個樣似一串串提子所以叫海葡萄。其實海葡萄好難養，所以唔係好多地方有得食，個口感好似食爆珠咁，少少海水味，幾特別2. 沖繩豚肉炒苦瓜「真記得當初我們也討厭吃苦瓜」，細個我都唔鐘意食苦瓜但大個左就越來越鐘意食。呢個苦瓜我覺得苦味只有20%，朋友唔鐘意食苦瓜都食到。唔好當佢係中式的苦瓜肉片炒蛋。好欣賞廚師的刀工，真係片片都好似薯片咁薄、爽口，有少少苦味，再配埋仲有少少未全熟蛋漿的炒蛋同埋又係切到好薄的沖繩豚肉片，肉片的肉香，蛋香再加苦苦地的苦瓜片，真係食完一啖再一啖。不過佢地幾大份，好抵食。3. 花生豆腐個質地好得意，煙煙韌韌咁，有少少花生味-由於我對花生敏感所以只係食左好少，但友人都覺得好食，好香花生味。4. 燒和牛肉呢個肉真係必食！！！超級juicy，好有肉味，牛好冧身，唔洗點醬汁已經好好食！我覺得
食沖繩野，裝修好有日本feel同fit 晒居酒屋格局，好多日本擺設同埋日本酒（飲得架，如果有order 佢地會係你面前潷酒）。個人覺得坐吧枱比較有feel。
野食都好多選擇，全部小碟上菜（所以依度岩2/3個人黎食）。個人推介：
1. 海葡萄
其實係一種海洋生物，海草d friend, 因為個樣似一串串提子所以叫海葡萄。其實海葡萄好難養，所以唔係好多地方有得食，個口感好似食爆珠咁，少少海水味，幾特別
2. 沖繩豚肉炒苦瓜
「真記得當初我們也討厭吃苦瓜」，細個我都唔鐘意食苦瓜但大個左就越來越鐘意食。呢個苦瓜我覺得苦味只有20%，朋友唔鐘意食苦瓜都食到。唔好當佢係中式的苦瓜肉片炒蛋。好欣賞廚師的刀工，真係片片都好似薯片咁薄、爽口，有少少苦味，再配埋仲有少少未全熟蛋漿的炒蛋同埋又係切到好薄的沖繩豚肉片，肉片的肉香，蛋香再加苦苦地的苦瓜片，真係食完一啖再一啖。不過佢地幾大份，好抵食。
3. 花生豆腐
個質地好得意，煙煙韌韌咁，有少少花生味-由於我對花生敏感所以只係食左好少，但友人都覺得好食，好香花生味。
4. 燒和牛肉
呢個肉真係必食！！！超級juicy，好有肉味，牛好冧身，唔洗點醬汁已經好好食！我覺得醬汁偏咸反而搶左個牛味。
5. 沖繩Agu豬配柚子汁
黎依度，梗係要試Agu豬。雖然無和牛咁surprise 但都好好食，個柚子汁就太甜，都係唔洗點汁就咁食就得。
6. 酸汁吞拿魚
呢個好開胃，個汁好fresh,吞拿魚都算厚切又新鮮，配埋蔥花好香。
7. 沖繩冷麵（和風麻醬冷麵）
呢個係我成晚的至愛，可能因為我好鐘意食麻醬。好鐘意食介乎烏冬同上海麵之間的粗度的麵條，每一啖都掛到醬汁，再配青瓜、粗條蛋絲、蕃茄酸酸地又好fresh又好有口感，超開胃。
其他食物仲點左Agu豬餃子，最無特別的菜式，橙色係甘荀皮完全食唔出、同埋無乜饀料。芥末八爪魚新鮮，爽口，但切得太細粒好難夾。
埋單每人約$500。我覺得黎依度食飯的重點唔應該係食壽司魚生，應該係食佢特別的居酒屋小菜同叫野飲。menu都好多選擇，一定會再黎，下次知道邊d值得再encore！
Post
